Marke 10:1 - MUKANDA WA MYIDI MUKULU

¹ Yezu kumuka aku, kuyaye mu buloba bua Yudeya, pashishe ne dia muamua dia Yardene. Bantu bavule kudisangisha kuvuaye. Pamue ne balongi bende, kubangaye kulongesha amu bu pa tshibidilu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yesu wakabikaku, wakalua mu nseke ya Yudaya ne dishia dia Yadene; bantu ba bungi bakalua kudiye kabidi: yeye wakabayisha bu muakadiye wenza matuku onso.

Marke 10:1 교차 참조

Muambi 12:9

Muambi uvua ulongesha bantu bivuaye mumanye, kayi upungila. Uvua mufunde nsumuinu ya bungi yeye mumane kujadika bulenga buayi.

Yirmeya 32:33

Pa mutu pa kupingana kundi meme, badi amu bambenga. Eku meme mvua mbabela amu kubabela. Kadi muntu nansha umue kena muitabe, ki mmuteleje mene mibelu yanyi.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Marke 1:21

Yezu ne balongi bende kuyabu mu tshimenga tshia Kefamawume. Dituku dia Dikisha, Yezu kubuela mu nzubu wa kutendelela wa bena Yuda. Kubangaye kulongesha bantu.

Marke 10:2

Baparushe bakuabu kusemenabu kudiye bua kumuteta. Bobu kumukonka ne: — Mikenji yetu mmianyishe bua muntu abenge mukajende anyi?

Marke 12:35

Pavua Yezu ulongesha mu nzubu wa Mvidi Mukulu, kukonkaye ne: — Mudi balongeshi ba mikenji mua kuamba ne Meshiya udi wa ku ndelanganyi ya Davide mbishi?

Marke 14:49

Matuku onsu mvua munkatshi muenu, nnulongeshila mu nzubu wa Mvidi Mukulu, kanutua bankuate nansha. Kadi bidi bienzeka nenku bua bidibu bafunde mu Mukanda wa tshijila bikumbane.

Marke 2:13

Yezu kumukaye kabidi ku dijiba dia Ngalileya. Bantu bavule kuya kudiye, bua yeye kubalongesha.

Marke 4:2

Yezu uvua ubalongeha malu a bungi mu nsumuinu. Mu dilongesha diende uvua ubambila ne:

Marke 6:2

Pavua dituku dia Dikisha dikumbane, uvua ulongesha bantu mu nzubu wa kutendelela wa bena Yuda. Bantu ba bungi bavua bamuteleja, bavua bakatshila bikole, bamba ne: — Bionsu ebi mmubimanye bishi? Udi ne meji a mushindu kaayi adiye wenza nawu malu a kukema nenku?

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

Marke 6:6

Uvua ukema bikole muvuabu bapange mua kumuitaba. Pashishe Yezu uvua ulongesha bantu mu misoku yonsu ya ku mpenga.

Yowanane 10:40

Yezu kuya tshiakabidi dishiya dia musulu wa Yardene, muaba uvua Yowanane mudianjidile kutua bantu mu mayi. Kusombayemu.

Yowanane 11:7

Pashishe kuambilaye balongi bende ne: — Tupinganayi mu Yudeya.

Yowanane 18:20

Yezu kumuandamuna ne: — Mvua muambile bantu bonsu malu amu patoke. Mvua mulongeshe misangu mivule mu nzubu ya kutendelela ya bena Yuda, ne mu nzubu wa Mvidi Mukulu, muaba udi bena Yuda bonsu basangila. Tshivua muakule bualu nansha bumue mu musokoku.