Marke 1:7 - MUKANDA WA MYIDI MUKULU

⁷ Uvua umanyisha bantu bavule ne: — Kudi muntu udi undonda meme mu nyima, udi mumpite ku muanzu. Tshiena nansha mukumbane mua kuinama, bua kusulula nshinga ya bisabata biende.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakamba bualu bua Nzambi ne, Udi ulua ku nyima kuanyi udi muntambe meme, tshiena ne buakane bua kuzonzama mua kusulula mionshi ya bisabata biandi.

Marke 1:7 교차 참조

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Matayi 3:14

Yowanane kubenga, umuambila ne: — Wewe ke uvua mua kuntua mu mayi. Kadi wewe ukadi ulua kundi!

Marke 1:6

Yowanane uvua muvuale tshilamba tshia miosa ya kamelu, ne mukaba wa tshiseba mu tshimonu. Uvua udia mpasu ne buitshi bua muitu.

Marke 1:8

Meme ndi nnutua mu mayi. Kadi yeye neanutue mu Mueyelu wa Tshijila.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Yowanane 1:27

Udi ulua panyima panyi. Kadi tshiena nansha muakanyine kusulula nshinga ya bisabata biende.

Bienzedi 13:25

Pavua Yowanane mumane kufika ku matuku ende a ndekelu panu, uvua ukonka bantu ne: “Nudi nuela meji ne: meme ndi nganyi? Tshiena unudi bindile awu to! Kadi unudi batekemene udi ufika munyima muanyi. Tshiena muakanyine nansha mua kukopola bisabata bia ku makasa ende.”

Bienzedi 19:4

Polu kubambila ne: — Yowanane uvua utua bantu bavua banyisha bua kudilengeja. Kadi uvua wambila kabidi bena Izrayele, bua bitabe muntu uvua ne bua kufika panyima pende, mmomumue ne: Yezu.

1 Samuele 25:41

Abiyayile kuinama kumpala kuabu, mutue mpala panshi, ubambila ne: — Nengikale mupika wa mukalenga Davide. Ndi muitabe bua kuikala ngowesha bena mudimu bende mayi ku makasa.