Marke 1:41 - MUKANDA WA MYIDI MUKULU

⁴¹ Yezu kumumvuila luse lua bungi. Kuololaye tshianza, kumulenga, umuambila ne: — Ndi musue, disama diebe diajiki!

Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Luse luakamukuata, wakolola tshianza, wakamulenga, wakamuambila ne, Ndi musue, wikale mulengeshibue.

Marke 1:41 교차 참조

Genese 1:3

Mvidi Mukulu kuamba ne: “Butoke buenzeke!” Butoke kuenzekabu.

Misambu 33:9

Udi wakula, etshi tshienzeka! Utuma diyi, tshiatshia tshipatuka!

Matayi 9:36

Ke Yezu kumvua luse bua bungi bua bantu bavuaye mumone, bualu bavua bapungile, bakengakana, bu mikoku idi kayiyi ne mulami.

Marke 1:40

Muena nsudi kufika kudi Yezu, kumufuila binu, umusengelela wamba ne: — Bu wewe musue, udi mua kungondapaku.

Marke 1:42

Diakamue nsudi kujika pambidi pa muntu, yeye kupanda.

Marke 4:39

Yezu utabuluka, kukanyinaye bikole tshipepele, kuambilaye mayi a dijiba ne: — Puwa! Batanta! Tshipepele kutuya, bionsu kubalama menemene.

Marke 5:41

Kumukuataye ku tshianza, umuambila ne: — Talita kume! (Mmomumue ne: “Nsongakaji, ndi nkuambila ne: juka!”)

Marke 6:34

Padi Yezu upatuka mu buatu, kumonaye bantu bavule. Kubumvuilaye luse, bualu bavua bu mikoku idi kayiyi ne mulami. Kubangaye kubalongesha malu a bungi mutantshi mule.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.