Marke 1:21 - MUKANDA WA MYIDI MUKULU

²¹ Yezu ne balongi bende kuyabu mu tshimenga tshia Kefamawume. Dituku dia Dikisha, Yezu kubuela mu nzubu wa kutendelela wa bena Yuda. Kubangaye kulongesha bantu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakaya mu Kapênuma; dituka dia Lumingu lua Bayuda yeye wakabuela mu nsunagoga, wakabayisha

Marke 1:21 교차 참조

Matayi 4:13

Kadi kavua mushale mu Nazarete to. Kuyaye kusomba mu Kefamawume, tshimenga tshiyuabu base ku muelelu wa Dijiba dinene dia Ngalileya, mubuloba bua Zebulone ne bua Naftali.

Matayi 4:23

Yezu uvua wendakana mu ditunga dia Ngalileya dijima. Uvua ulongesha mu nzubu ya kutendelela, wambila bantu Lumu lua Disanka lua Bukalenga. Uvua ujikija kabidi masama ne matekete onsu avua bantu nawu.

Marke 1:20

Diakamue Yezu kubabikila. Bobu kushiya tatuabu Zebede mu buatu ne bena mudimu, kutuabu Yezu mu nyima.

Marke 1:29

Bobu kupatuka mu nzubu wa kutendelela wa bena Yuda. Kuyabu diakamue kua Simone ne Andre. Kubatuabu mu nyima kudi Yakobe ne Yowanane.

Marke 1:33

Bantu bonsu ba mu tshimenga bavua bunguile kumpala kua tshiibi tshia nzubu.

Marke 1:39

Yezu uvua wendakana mu Ngalileya mujima, ulongesha mu nzubu ya kutendelela ya bena Yuda, uvua wipata ne mikishi mibi.

Marke 10:1

Yezu kumuka aku, kuyaye mu buloba bua Yudeya, pashishe ne dia muamua dia Yardene. Bantu bavule kudisangisha kuvuaye. Pamue ne balongi bende, kubangaye kulongesha amu bu pa tshibidilu.

Marke 2:1

Matuku mamane kupita, Yezu kupingana ku Kefamawume. Bantu kumvua ne: mmumane kufika ku nzubu.

Marke 3:1

Pashishe Yezu kupingana kabidi mu nzubu wa kutendelela wa bena Yuda. Mu nzubu amu muvua muntu ne tshianza tshifulame.

Marke 6:2

Pavua dituku dia Dikisha dikumbane, uvua ulongesha bantu mu nzubu wa kutendelela wa bena Yuda. Bantu ba bungi bavua bamuteleja, bavua bakatshila bikole, bamba ne: — Bionsu ebi mmubimanye bishi? Udi ne meji a mushindu kaayi adiye wenza nawu malu a kukema nenku?

Luke 10:15

Wewe Kefamawume, udi wela meji ne: neubande mu diulu anyi? Nansha kakese! Nebakuele mu kandondu ka bafue.

Luke 13:10

Dituku dikuabu dia Dikisha, Yezu uvua ulongesha mu nzubu kampanda wa kutendelela wa bena Yuda.

Luke 4:16

Yezu kuya kabidi mu Nazarete, muvuabu bamukoleshe. Dituku dia dikisha kubuelaye mu nzubu wa ditendelela wa bena Yuda, bu muvua tshibidilu tshiende. Kujukaye kulu bua kubala Mikanda ya tshijila.

Luke 4:23

Yezu kubambila ne: — Bulelela nenungelele lusumuinu lua ne: “Wewe munganga, wadiondapa nkayebe!” Nenungambile kabidi ne: “Bimvua bumvue wewe muenze mu Kefamawume, ubienze kabidi munu mu tshimenga tshienu.”

Bienzedi 17:2

Bilondeshile tshibidilu tshiende, Polu kubuela mu nzubu wa kutendelela awu. Matuku a Dikisha a mbingu isatu milondangane, Polu ne bantu bavua mu nzubu awu, kuelanganabu meji pa Mikanda ya tshijila.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.