Luke 7:42 - MUKANDA WA MYIDI MUKULU

⁴² Bu muvuabu kabayi ne mushindu wa kumufuta, yeye kubalekela mabanza bonsu babidi. Nanku wa ku babidi aba, udi mua kupita kumunanga nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴² Hakahangabo bintu bia kumufuta, yeye wakabalekelela mabanza bubidi buabo. Bubidi buabo watamba kumusua nganyi?

Luke 7:42 교차 참조

2 Samuele 14:13

Mukaji kumuambila ne: — Wewe udi ukengesha bantu ba Maweja-Nangila nunku bua tshinyi? Wewe mumane kuditshipa bu muudi uditshipa mpindiewu emu, udi udipisha nkayebe, bualu kuena ubikidisha Absalome uuvua muipate.

Misambu 103:3

Yeye ke udi umbuikidila malu mabi anyi onsu, ondapa masama anyi onsu,

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Matayi 18:27

Mukalenga kumvuila muena mudimu awu luse. Kuanyishaye bua aye. Kumulekelaye ne dibanza mene.

Matayi 18:34

Mukalenga kufika munda bikole, kufila muena mudimu awu kudi bena tshinyangu, bua banukengeshe too ne pafutaye dibanza adi dionsu.

Matayi 6:12

Utufuile luse ku malu etu mabi, bu mutudi tufuila badi batuenzela bibi luse.

Luke 7:43

Simone kumuandamuna ne: — Ndi ngela meji ne: uvuaye mutekele dibanza dinene. Ke Yezu kumuandamuna ne: — Udi muambe anu bimpe.

Rome 3:24

Kadi bu mudi Mvidi Mukulu ubananga, udi ubabingisha kumpala kuende patupu, kudi Yezu Kristu udi ubapikula ku bubi.

Rome 5:6

Bualu patutshivua katuyi ne bukole, Kristu wakafuila bantu babi tshikondu tshivua Mvidi Mukulu musungule.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Kolose 3:13

Nulengululangane bilema, nufuilangane luse. Misangu yonsu idi muntu tshilumbu ne mukuabu, nulekelangane bilema, muvua Kristu munulekelebi.