Luke 7:19 - MUKANDA WA MYIDI MUKULU

¹⁹ Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yone wakabikila bayidi bandi bakuabo babidi, wakabatuma kudi Mukelenge bua kumukonka ne, Wewe nyeye ulualua, anyi tutekemene mukuabo?

Luke 7:19 교차 참조

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Agayi 2:7

Nenkuatshishe bantu ba bisamba bikuabu bowa. Nanku, nebafike ne bubanji buabu buonsu munemu. Nendengeje nzubu ewu muende mua kale ne bubanji abu. Meme Maweja-Nangila, ndi ngamba nanku.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Marke 6:7

Kubikilaye balongi bende dikumi ne babidi, kubatumaye ku babidi ku babidi. Uvua mubapeshe bumfumu bua kuipata mikishi mibi.

Luke 10:1

Ke Mfumu kusungula balongi bakuabu makumi muanda mutekete ne babidi. Uvua ubatuma babidi babidi, bua badianjile kumpala kuende mu bimenga bionsu, ne miaba mikuabu yonsu, bivuaye ne bua kuya.

Luke 11:1

Dituku dikuabu Yezu uvua utendelela muaba kampanda. Ujikija, umue wa ku balongi bende kumuebeja ne: — Mfumu, ubilongeshe mutudi mua kutendelela, muvua Yowanane mulongeshe balongi bende.

Luke 11:39

Ke Mfumu kumuamba ne: — Ke munudi nuenu Baparushe: nudi nusukula dikopu nansha dilongu panyima, kadi munda muenu mudi muwule tente ne lukuka lua bivi, kabidi ne tshikisu.

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

Luke 13:15

Yezu kumuandamuna ne: — Nudi bena mpala ibidi! Dituku dia Dikisha, nuenu bonsu kanutu nusulula nyama wa ngombe nansha mpunde bua kumufila ku mayi anyi?

Luke 17:5

Bapostolu kulomba Mfumu ne: — Kolesha ditaba dietu.

Luke 17:6

Mfumu kuandamuna ne: — Bu nuenu ne ditaba bunene bua lutete lua lusanga, nuvua mua kuambila mutshi wa sikomore wawa ne: “Juka apa, umene mu mayi manene.” Nanku mutshi newitabe mu diyi dienu.

Luke 18:6

Ke Mfumu kuamba kabidi ne: — Telejayi tshidi mukoshi wa nsambu mubi ewu wamba!

Luke 19:8

Kadi Zakayi kujuka, kuambila Mfumu ne: — Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.

Luke 22:61

Nanku Mfumu kukudimuka kudi Petro, kumutangila talalaa. Ke Petro kuvuluka tshivua Mfumu mumuambile ne: “Lelu tshitala katshiyi tshianji kusama, newikale mumane kumvila misangu isatu ne: tshiena mumumanye.”

Luke 24:34

babambila ne: — Bushuwa, Mfumu mmubiike ku bafue! Simone mmumumone!

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:20

Balongi aba bafika kudi Yezu, kumuambilabu ne: — Yowanane-Batiste mmututume, ukukonka ne: “Wewe ke utudi bamanye ne: udi ne bua kufika, anyi tuindile mukuabu?”

Yowanane 11:2

(Mariya ewu ke mukaji uvua muele Mfumu manananshi ku makasa, muakupule ne nsuki yende. Nunku muanabu Lazare ke uvua usama).

Yowanane 4:1

Yezu uvua mumvue muvua Baparushe bumvue lumu ne: Yezu udi utua bantu mu mayi, mmupete kabidi balongi ba bungi bapite ba Yowanane.

Yowanane 4:25

Mukaji kumuamba ne: — Ndi mumanye ne: Meshiya (mmomumue ne Kristu) nealue. Pafikaye, neatujinguluile malu onsu.

Yowanane 6:23

Kadi matu makuabu afumina ku tshimenga tshia Tiberiyade, avua mafike pepi ne muaba uvuabu badile mampa, pavua Mfumu mumane kuela Mvidi Mukulu tuasakidila.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.