Luke 6:48 - MUKANDA WA MYIDI MUKULU

⁴⁸ Udi ufuanangana ne muntu uvua mutuadije kuibaka nzubu. Uvua mumbule mukidi muondoke, muibake tshitaku tshia nzubu pa mabue. Pavua mayi a misulu uwula, apasalala, atuuta ku nzubu, kaavua amunyungisha nansha. Bualu nzubu uvua muibaka bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ yeye udi mufuanangane ne muntu wakadi muibake nsubu, wakimba mutubu mule, wakateka bishimikidi ha mutu ha dibue dinene; hakûla musulu, wakakuma ku nsubu, kawakamanya mua kumutshikisha, bualu bua wakadi muibaka bimpe.

Luke 6:48 교차 참조

2 Samuele 22:2

Maweja-Nangila udi lubuebue luanyi, muaba undi nyemena, undi nsomba bimpe.

2 Samuele 22:32

Mvidi Mukulu udi anu umue, ke Maweja-Nangila. Lubuebue luetu ludi anu lumue, ke Mvidi Mukulu wetu!

2 Samuele 22:47

Maweja-Nangila atumbe! Wewe lubuebue luanyi, tuasakidila! Bantu batumbishe lumu lua Mvidi Mukulu, Lubuebue luanyi ne musungidi wanyi.

2 Samuele 22:5

Mavuala a lufu avua ampitshila pa mutu, avua ankuatshisha bowa, bu musulu udi ukeba kumbutala.

2 Samuele 23:3

Mvidi Mukulu wa Izrayele kuakula, mulami wa bena Izrayele kungambila ne: “Mukalenga udi ulombola bantu bimpe, uludika bantu, ukumbaja bidi Mvidi Mukulu musue,

Misambu 32:6

Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Misambu 62:2

Kudi Mvidi Mukulu ke kundi mpeta dikisha, kudiye ke kundi ntekemena lupandu.

Misambu 95:1

Luayi tuelele Maweja-Nangila mbila ya disanka, tuele Dibue dietu, ne Musungidi wetu tunkunduluila.

Nsumuinu 10:25

Bantu babi badi bafue mu tshikondu tshia tshipupu, kadi bakane badi batshikolela kashidi.

Yeshaya 26:4

Tekayi muoyi wenu matuku onsu kudi Maweja-Nangila, bualu yeye udi Mvidi Mukulu wetu. Yeye neatukube kashidi.

Yeshaya 28:16

Kadi umvuayi mudi Maweja-Nangila Mvidi Mukulu wamba: “Ndi nteka dibue dia tshitaku mu Siyone, dibue dia kunuteta nadi, dibue dia mushinga dia mu ditumba, didibu kabayi mua kunyungisha. Pa dibue edi mpafunde ne: muntu yonsu udi utekemena kundi, kena unyunga to.

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Luke 6:47

Muntu yonsu udi uvua kundi, uteleja miaku yanyi, uyikumbaja, nennuleje udiye mufuanangane nende.

Luke 6:49

Kadi muntu yonsu udi uteleja miaku yanyi, kayi uyikumbaja, udi ufuanangana ne muntu udi wibaka nzubu wende pa buloba, kayi tshitaku. Padi mayi a musulu atuuta ku nzubu awu, nzubu udi wupuka diakamue, ubutuka yonsu butubutu.”

Yowanane 16:33

Mvua munuambile bionsu ebi bua nuikale ne ditalala, badisange nanyi. Nenukenge pa buloba. Kadi nukoleshe muoyi! Nkadi mumane kutshimuna ba pa buloba!

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Efeze 2:20

Nuenu kabidi nudi bidibu bibaka nabi nzubu. Tshitaku tshia nzubu awu, ke bapostolu ne bambi. Dibue dia mu ditumba ke Kristu mene.

Dielulula 32:15

Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”

Dielulula 32:31

Kadi baluishi ba bena Izrayele mene mbamanye ne: mvidie yabu idi ibalama kayena ne bukole, bu bua Mvidi Mukulu wa bena Izrayele to.

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

2 Petro 1:10

Bana hetu, Mvidi Mukulu mmunubikile, mmusungule. Nanku enzayi muenu muonsu bua makanyine dibikila edi. Nuenu benze nanku, kanuakupambuka mu njila mululame.

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.

1 Samuele 2:2

Anu Maweja-Nangila ke udi wa tshijila, kakuena Mvidi Mukulu mukuabu, amu Yeye. Mvidi Mukulu wetu nkayende udi lubuebue.