Luke 6:28 - MUKANDA WA MYIDI MUKULU

²⁸ Badi banuela mulawu, nubajingile diakalenga. Badi banukengesha, nubalombele kudi Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ nusankishe badi banuela mulau, lombelai badi banukengesha Nzambi.

Luke 6:28 교차 참조

1 Bakalenga 13:6

Pashishe mukalenga Yerobowame kuambila muambi ne: — Ndi nkusengelela ne: utendakene Maweja-Nangila Mvidi Mukulu webe bua amfuileku luse, ampingajile diboku dianyi edi muadi mua kale. Muambi kulomba Maweja-Nangila, diboku dia mukalenga Yerobowame kupingana muadi mua kale.

Yezekiyele 25:15

“Meme Maweja-Nangila Mvidi Mukulu ndi ngamba ne: Bena Peleshete bavua benze bibi. Bualu bua lukuna lua kale luvuabu nalu, bavua basombuele baluishi babu ba kuonsu eku ne muoyi wa tshinyangu, babashipa.

Yezekiyele 36:5

Meme Maweja-Nangila Mvidi Mukulu ndi ngamba ne: Tshiji tshidi tshingenza. Nanku ndi ntandisha bisamba bidi ku mutumba, nangananga bena Edome. Bantu aba bavua bakuata ditunga dianyi, biba biakudia bivua mu mpata. Bavua basanka kabayi ne luse.”

Matayi 5:44

Kadi meme ndi nnuambila ne: nangayi bena lukuna benu, mu ditendelela lombelayi badi banukengesha.

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Luke 6:27

“Kadi nuenu badi banteleja, ndi nnuambila ne: nangayi bena lukuna benu; enzelayi badi banukina bimpe.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Bienzedi 14:5

Bena Yuda, bantu ba bisamba bikuabu, ne bamfumu babu, bavua bajula tshimvundu, bakeba kukengesha Polu ne Barnabase, kubasa mabue, kubashipa.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Rome 12:14

Badi banukengesha, nubalombele kudi Mvidi Mukulu bua abele lupemba. Numulombe bua abasankishe, kabatshipi nansha.

1 Korente 4:12

Tudi tukuata mudimu, tupungila bua kudipetela biakudia, Badi batupenda, tudi tubela lupemba. Padibu bankengesha, tudi tulama lutuulu.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.