Luke 4:22 - MUKANDA WA MYIDI MUKULU

²² Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Mukanda wa Nzambi Dihungila Dikulukulu ne Dihungila Dihia-dihia 2003

²² Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

Luke 4:22 교차 참조

Misambu 45:2

Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Misambu 45:4

Tshilobu, suika mukaba, upayike muela. Ke bidi bileja butumbi ne lumu biebe.

Nsumuinu 10:32

Miaku ya muntu muakane idi ilengelela bantu, kadi miaku ya muena lonji idi ibabungamija.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Nsumuinu 25:11

Muaku muimpe muambe pa bualu udi ne mushinga bu mudi tshintu tshivuabu basonga ne tshiamu tshia mpawungi, batshiteka pa dilonga dia tshiamu tshitoke tshia mushinga mukole.

Muambi 10:12

Padi muntu wa meji wakula, bantu badi basanka. Padi muntu mutshimbakane wakula, bantu badi badiwula.

Musambu wa Solomo 5:16

Mukana muende mmusheme, padiye untua mishiku. Mubidi wende mujima udi unkuatshisha milowu! Nsongakaji ya mu Yerushalayime, ke mudi munanga wanyi, ke mudi mulunda wanyi nanku.

Yeshaya 50:4

Maweja-Nangila Mvidi Mukulu uvua mundongeshe tshindi ne bua kuamba. Ke yeye udi ummanyisha miaku, indi mua kuambuluisha nayi muntu ukadi mupungile. Dinda dionsu, Maweja-Nangila udi umbisha, mpeta kudiye dijinga dikole dia kumuteleja, bu mudi balongi bajinga kuteleja mulongeshi wabu.

Luke 2:47

Bantu bonsu bavua bamuteleja, bavua bakema lungenyi luende, ne ngandamuna avuaye wandamuna.

Luke 2:48

Baledi bende bamumona, kukemabu bikole. Mamuende kumukonka ne: — Muananyi, udi mutuenzele nenku bua tshinyi? Tatuebe ne meme tuvua batate bikole, tuenda tukukeba ne dipampakana.

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Luke 4:21

Ke Yezu kubambila ne: — Miaku eyi, inuvua bumvue mu mukanda wa Mvidi Mukulu, mmikumbane lelu, amu pamvua muyibale apu.

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 6:42

Bavua bakonkangana ne: — Muntu ewu ki nYezu muana wa Yozefe anyi? Tudi bamanye tatuende ne mamuende. Kadi mudiye wamba mpindiewu ne: “Ndi mufume mu diulu mbishi?”

Yowanane 7:46

Basolayi kuandamuna ne: — Katshia muntu kena muanji kuakula bu muntu ewu!

Bienzedi 6:10

Kadi kabavua ne bukole bua kumutuisha. Bualu Stefane uvua wakula ne meji, avuaye mupete kudi Mueyelu wa Tshijila.

Tite 2:8

Akula miaku amu milenga, idibu kabayi mua kudiwula. Nanku baluishi bebe nebafue bundu, bualu kabena bapeta bualu bubi bua kutujana nabu.