Luke 22:42 - MUKANDA WA MYIDI MUKULU

⁴² wamba ne: — Tatu, paudi musue, angumushile dikopu dia dikenga edi. Kadi kabienzeki mundi musue meme, amu muudi musue wewe. [

Mukanda wa Nzambi Dihungila Dikulukulu ne Dihungila Dihia-dihia 2003

⁴² wakamba ne, Tatu, biwasua, ungumushile luhanza elu; kadi bualu buenjibue bu mûdi musue, kabuenjibu bu mundi musue.

Luke 22:42 교차 참조

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Yeshaya 51:17

Wewe Yerushalayime, kankamana. Kankamana, juka panshi. Maweja-Nangila uvua mukupeshe dikopu diuwule tente ne tshiji tshiende. Wewe kudinua kumana! Tshinyingunyingu kukuenza!

Yeshaya 51:22

Maweja-Nangila, Mfumu webe, Mvidi Mukulu webe, udi usungidila bantu bende, ubambila ne: “Ndi ngangata dikopu dia tshiji tshianyi, dinuvua banue dinuenza tshinyingunyingu. Kanuakunuinamu kabidi to.

Yirmeya 25:15

Maweja-Nangila Mvidi Mukulu wa Izrayele uvua mungambile ne: “Ndi nkupesha dikopu edi dia mvinyo, didi tente ne tshiji tshianyi. Udiangate, udinuishe bantu ba bisamba bionsu miaba yonsu indi nkutuma.

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 11:26

Eyowa, Tatu, ke muuvua musue ne: bienzeke nanku.

Matayi 20:22

Yezu kuandamuna ne: — Kanuena bajingulule tshinudi nulomba nansha. Dikopu dia dikenga dinganua, nudi mua kudinua anyi? Bobu kumuandamuna ne: — Tudi mua kudinua.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Matayi 26:42

Ke Yezu kuya kutendelela ku luseke musangu muibidi, wamba ne: — Tatu wanyi, bu dikopu edi kadiyi mua kumuka kundi, tshiyi mudinue, bienzeke amu muudi musue!

Matayi 26:44

Yezu kubashiya kabidi, kuya kutendelela ku luseke musangu muisatu, wambulula amu miaku ya momumue.

Matayi 6:10

Bukalenga buebe bufike; biudi musue bienzeke pa buloba, bu mudibi bienzeka mu diulu.

Marke 14:36

Uvua wamba ne: — Tatu wanyi, kakuena tshidi mua kukukolela to. Ungumushile dikopu edi dia dikenga. Kadi kabienzeki mundi musue, bienzeke amu muudi musue wewe!

Luke 23:34

Ke Yezu kuamba ne: — Tatu, ubumvuile luse, bualu kabena bamanye tshidibu benza. Kuabanyanganabu bilamba bia Yezu, batshinka udi mua kubiangata.

Yowanane 18:11

Kadi Yezu kuambila Petro ne: — Pingaja muele webe mu tshibuubu. Udi wela meji ne: ndi mbenga kunua dikopu dia dikenga didi Tatu mumpeshe anyi?

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Yowanane 5:30

— Tshiena mua kudienzela bualu nansha bumue to. Ndi nkosa nsambu bilondeshile bidi Mvidi Mukulu ungambila. Ndi nkosa nsambu pa yoyi, bualu tshiena nkeba kuenza tshindi musue, kadi amu tshidi uvua muntume musue.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Bienzedi 21:14

Bu muvua Polu kayi musue kuitaba bituvua bambe, tuetu kulekela kumusengelela, tuamba ne: — Bienzeke mudi Mfumu musue!