Luke 20:16 - MUKANDA WA MYIDI MUKULU

¹⁶ Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nealue kushiha ba bidime aba, neahe bakuabo budimi buandi. Hakunvuabo dî edi dia Yesu, bakamba ne, Bualu kabulu nunku.

Luke 20:16 교차 참조

Matayi 21:34

Tshikondu tshia kupola tumuma tshikumbana, kutumaye bena mudimu bende kudi bavuaye mushile budimu abu, bua kupeta tuende tumuma.

Matayi 21:41

Kumuandamunabu ne: — Kakumvuila bantu babi aba luse to. Neabashipe bonsu. Neashile bantu bakuabu budimi buende, bua bamupeshe pa diba tshiende tshitupa tshia bimuma bidibu banowa.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Marke 12:9

Yezu kubakonka ne: Nenku muena budimi bua nwinyo udi mua kuenza tshinyi? Muena budimi bua nwinyo nealue, neashipe bafutshidi ba budimi bua nwinyo, neafile budimi kudi bantu bakuabu.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Luke 20:15

Nanku kumukokelabu ku mpenga kua budimi, kumushipa. Kadi muena budimi neenze tshinyi ne bantu bavua bafutshila budimi buende?

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

Rome 11:11

Nanku ndi ngebeja kabidi ne: diba divua bena Yuda balenduke, bavua badishinda bua kulala panshi kashidi anyi? Nansha kakese! Kadi bua tshilema tshivuabu benze, bantu ba bisamba bikuabu kupeta lupandu, bua bena Yuda babakuatshile lubabu,

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 3:6

Kabiena nanku nansha! Bualu bu Mvidi Mukulu mua kupila, mmunyi mudiye mua kulumbuluisha bukua panu?

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

Rome 6:2

Nansha kakese! Tudi bafue bua bubi. Nanku mmunyi mutudi mua kutungunuka kabidi ne dienza dia malu mabi?

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Rome 9:14

Nanku netuambe tshinyi? Netuambe ne: Mvidi Mukulu mmuena kansungasunga anyi? Nansha kakese!

1 Korente 6:15

Nudi bamanye ne: mibidi yenu idi bidimba bia mubidi wa Kristu. Ndi mua kuangata tshidimba tshia mubidi wa Kristu, kutshienza tshidimba tshia mubidi wa mukaji muena tshiendenda anyi? Nansha kakese!

Ngalate 2:17

Nanku patudi tuitaba Kristu, bua Mvidi Mukulu atubingishe petu, bidi bimueneka se: tuetu bena Yuda kabidi, tudi benji ba malu mabi, amu bu bantu ba bisamba bikuabu. Nanku Kristu mmuanyishe malu mabi anyi? Nansha kakese!

Ngalate 3:21

Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.