Luke 20:13 - MUKANDA WA MYIDI MUKULU

¹³ Ke muena budimi kuamba ne: “Nengenze tshinyi? Ndi ntuma muananyi munanga. Misangu mikuabu badi mua kumuangata ne mushinga.”

Mukanda wa Nzambi Dihungila Dikulukulu ne Dihungila Dihia-dihia 2003

¹³ Muena budimi wakadikonka ne, Ngenze tshinyi? Nentume muana wanyi munanga; bumue nebamunemeke.

Luke 20:13 교차 참조

Yeshaya 5:4

Tshingenzela kabidi budimi buanyi, tshimvua tshiyi muanji kuenza ntshinyi? Meme kutekemena tumuma tua nsongu, kadi bobu kukuama amu tua bululu!

Yirmeya 36:3

Misangu mikuabu bena Yuda badi mua kumvua mundi musue kubatumina makenga. Nanku nebadilengeje. Nemmone mua kubafuila luse bua bilema biabu ne mibi yabu.

Yirmeya 36:7

Bumue nebasengelele Maweja-Nangila bua abafuile luse. Nanku nebadilengeje. Bualu Maweja-Nangila uvua muambe ne tshiji tshikole ne: bantu aba mbamfikishe munda bikole.

Yezekiyele 12:3

Nanku, longolola bintu bua kuya nabi mu bupika. Ulongolole luendu luebe munda munya, bantu bonsu batangile. Umuke muaba uudi musombele, uye muaba mukuabu mu bupika. Umuke bantu bonsu batangile. Misangu mikuabu badi mua kudikonka, kuvuluka mudibu bena tshitunu.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Osheya 6:4

Kadi Maweja-Nangila udi unukonka ne: “Bena Efrayime, nennuenzele tshinyi? Bena Yuda, nennuenzele tshinyi? Dinnanga dienu didi dijika lukasa, bu mudi dibungi dia mu dinda, nansha bu mudi lumuma, ludi luuma amu mpindiewu.

Matayi 17:5

Patshivua Petro wakula, divuba dikenka kubabuikila. Diyi kumvuika mu divuba ne: — Ewu ke Muananyi menemene, undi munange. Yeye udi unsankisha bikole. Numuteleje.

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Luke 18:2

— Mu tshimenga kampanda muvua mukoshi wa nsambu. Kavua utshina Mvidi Mukulu, kavua unemeka muntu nansha umue.

Luke 18:4

Mukoshi wa nsambu kubenga matuku a bungi. Kadi pashishe kudielaye meji ne: “Nansha meme tshiyi ntshina Mvidi Mukulu, tshiyi nnemeka bantu,

Luke 20:12

Muena budimu kutuma kabidi muntu muisatu. Yeye kabidi bafutshidi kumutapa mputa, kumuipata.

Luke 20:14

Kadi bafutshidi bamona muana wa mukalenga, kuambilanganabu ne: “Ke wapiana budimi pashishe wawa. Tumushipayi. Budimi bua nwinyo nebushale buetu.”

Luke 9:35

Diyi kumvuika ku divuba, diamba ne: — Ewu mmuananyi umvua musungule, numuteleje!

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.