Luke 15:10 - MUKANDA WA MYIDI MUKULU

¹⁰ Ndi nnuambila ne: ke mudi batumibue ba Mvidi Mukulu basanka bua muena malu mabi udi udilengeja.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Luke 15:10 교차 참조

Yezekiyele 18:23

Nudi nuela meji ne: ndi nsanka pandi mmona muntu ufua bua malu mabi anyi? Meme Maweja-Nangila Mvidi Mukulu, ndi njadika ne: ndi njinga amu bua bena malu mabi badilengeje, bapete muoyi.

Yezekiyele 18:32

Bulelela, meme Maweja-Nangila, tshiena musue lufu lua muntu nansha umue. Lekelayi bubi buenu buonsu, nanku nenushale ne muoyi!”

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Matayi 10:32

— Muntu yonsu udi wamba kumpala kua bantu ne: ndi wa Kristu, meme kabidi nemmuambe ne: ngwanyi, kumpala kua Tatuanyi udi mu diulu.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 18:14

Ke mudi Tatuenu wa mu diulu kayi musue ne: umue wa ku badi bu bana aba ajimine.

Luke 12:8

— Ndi nnuambila ne: muntu yonsu udi wambila bantu patoke ne: Ndi ngitaba Muana wa muntu, meme kabidi kumpala kua batumibue ba Mvidi Mukulu nengitabe ne: muntu ewu ngwanyi!

Luke 12:9

Kadi muntu yonsu udi unwila kumpala kua bantu, Muana wa muntu neamuvile kabidi kumpala kua batumibue ba Mvidi Mukulu.

Luke 13:5

Nansha kakese! Kadi ndi nnuambila ne: panuikala kanuyi nudilengeja, nenufue bonsu momumue!

Luke 15:11

Yezu kuamba kabidi ne: — Muntu kampanda uvua ne bana bende ba balume babidi.

Luke 15:7

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Luke 15:9

Yeye mumane kuluangula, udi ubikila bantu bakaji balunda bende ne bena mutumba nende, ubambila ne: “Tusankayi, bualu ndi muangule lukanu luanyi lumvua mujimije.”

Luke 7:47

Ke pandi nkujadikila ne: bunene bua dinanga didiye mundeje, budi bujadika mudibu bajimije mibi yende mivule. Kadi muntu udibu bajimija mibi mikese, udi uleja dinanga dikese.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 5:19

Kadi butuku, mutumibue wa Mfumu kunzulula biibi bia nzubu, kupatula bapostolu, ubambila ne:

2 Korente 7:10

Padi Mvidi Mukulu ukuata mudimu ne dibungama dietu, udi utuambuluisha bua tudilengeje, tupete lupandu. Ke patudi katuyi mua kunyingalala nansha. Kadi patudi tubungama tujinga bia panu, tudi tukeba lufu.

Filemone 1:15

Bumue Onezime uvua muanji kumuka kuudi tshitupa, bua, papinganaye, ashale kuudi kashidi.

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.