Luke 13:15 - MUKANDA WA MYIDI MUKULU

¹⁵ Yezu kumuandamuna ne: — Nudi bena mpala ibidi! Dituku dia Dikisha, nuenu bonsu kanutu nusulula nyama wa ngombe nansha mpunde bua kumufila ku mayi anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi Mukelenge wakamukudimuna dî ne, Nuenu bena lubombo, mukuabo wenu kai udi kai usulula ngombe wandi anyi nyama wa mpunda ku tshidilu bua kuyeye kumunuisha mai dituku dia Lumingu?

Luke 13:15 교차 참조

Yobe 34:30

Padi Mvidi Mukulu musue bua muntu mubi wa tshikisu, ashale mukalenga wabu, tshidi bena matunga mua kuenza ntshinyi?

Nsumuinu 11:9

Muntu udi uvila Mvidi Mukulu, udi ubutula bakuabu ne miaku yende. Kadi muntu udi ulamata Mvidi Mukulu, udi upandisha bakuabu ne meji ende.

Yeshaya 29:20

Bualu bena tshikisu nebajimine. Bena kapeja bonsu nebumuke. Bonsu badi bakeba mua kukengesha bakuabu nebafue.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Matayi 15:7

Nuenu bena mpala ibidi, Yeshaya kavua mushime, pavuaye unuamba ne:

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Matayi 23:28

Nuenu kabidi nudi numueneka bu bimpe kudi bantu, kadi munda muenu nudi amu bena mpala ibidi, ne bena malu mabi.

Matayi 7:5

Muena mpala ibidi we, bangabanga umusha mutshi munene mu disu diebe, nenku neumone bimpe bua kumusha kasosa kadi mu disu dia muanenu.

Luke 12:1

Diba adi bantu bavua bunguile binunu ne binunu, badiatangana pa makasa. Ke Yezu kudianza kuambila balongi bende ne: — Dimukayi bua buanga bua mampa budi Baparushe nabu; momumue ne: bua budingidingi buabu.

Luke 14:5

Pashishe kuambilaye bantu ne: — Pikala wa kunudi ne muanende, nansha ngombe wende, mupone mu tshina, neamupatule diakamue, nansha dituku mene dia Dikisha. Ki mmomumue anyi?

Luke 6:42

mMunyi muudi mua kuambila muanenu ne: ‘Muanetu, semena, nkumushe kasosa mu disu,’ kuyi umona mutshi munene udi mu diebe? Wewe muena mpala ibidi, bangabanga umushe mutshi munene udi mu disu diebe. Nanku neumone bimpe bua kumusha kasosa kadi mu disu dia muanenu.”

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:19

Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”