Luke 12:11 - MUKANDA WA MYIDI MUKULU

¹¹ “Panufilabu mu nzubu ya ditendelela ya bena Yuda, nansha kumpala kua balombodi ne bamfumu, bua banulumbuluishe, kanupampakanyi bua mushindu unudi mua kudilumbuluila, nansha bua binudi ne bua kuamba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Haluabo nʼenu ku mpala kua badi ku mutu kua nsunagoga, ne kua balumbuludi, ne kua banfumu, kanutambi kuelangana meshi ne, Netubakudimune dî kai? Netuambe tshinyi?

Luke 12:11 교차 참조

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Matayi 6:25

— Ke mundi nnuambila ne: kanuditatshishi bua biakudia ne bua biakunua binudi nujinga, nansha bua bilamba bia kuvuala binudi nukengela. Bualu muoyi mmupite biakudia, mubidi mmupite bilamba. Ki mmomu anyi?

Matayi 6:27

Munkatshi muenu udi mua kuditatshisha, kusakidila dituku ku matuku ende a panu nnganyi?

Matayi 6:28

— Nudi nuditatshisha bua bilamba bia kuvuala bua tshinyi? Tangilayi mudi bilongu bia mu mpata bidiunda. Kabiena bienza mudimu, kabiena bikuma bilamba.

Matayi 6:31

Nanku kanuditatshishi, nuebejangana ne: “Netudie tshinyi? Netunue tshinyi? Netuvuale tshinyi?”

Matayi 6:34

Kanuditatshishi bua malu a maloba to. Patshiabu, malu a dituku adi neadikumbanyine. Lutatu ludi lumueneka ku dituku dionsu, ndukumbane bua dituku adi.

Luke 12:22

Pashishe Yezu kuambila balongi bende ne: — Ke pandi nnuambila ne: kanutatshi bua biakudia binudi nabi dijinga, nansha bua bivualu bidi mubidi wenu ukengela.