Luke 1:76 - MUKANDA WA MYIDI MUKULU

⁷⁶ Kadi wewe, muananyi, nebakuinyike ne: mmuambi wa Mvidi Mukulu Muena kulu. Bualu neudianjile kumpala kua Mfumu, bua kumulongoluela njila,

Mukanda wa Nzambi Dihungila Dikulukulu ne Dihungila Dihia-dihia 2003

⁷⁶ Ne wewe muana, nebakubikile ne Muprofete wa Udi Mutambe Bunene wa mu diulu, Bua wewe neuye ku mpala kua Mukelenge bua kumulongoluela nshila yandi,

Luke 1:76 교차 참조

Misambu 87:5

Kadi Siyone, badi bamuamba ne: ke tshimenga tshilelela tshia bantu bonsu. Mvidi Mukulu Muena kulu ke udi mutshiase.”

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Matayi 14:5

Erode uvua musue kushipesha Yowanane. Kadi uvua utshina bena Yuda, bualu bena Yuda bonsu batua banemeka Yowanane bu muambi wa Mvidi Mukulu.

Matayi 21:26

Tuetu bambe ne: “Bantu ke bavua bantumine,” tudi ne bua kutshina bantu. Bitalu bonsu badi anu bitabe ne: Yowanane mmuambi!

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Matayi 3:3

Yowanane ke muntu uvuabu batele kudi muambi Yeshaya ne: “Ndi ngumvua diyi dia muntu, wela lubila mu tshipela ne: Longoluelayi Maweja-Nangila njila, numuenzele njila milulame!

Marke 11:32

Kadi tuetu bamba ne: “Bantu mbavua bamutume…” (Bavua batshina bantu, bualu buonsu bavua bela meji ne: Yowanane uvua muambi mulelela.)

Luke 1:32

Neikale munene. Nebamuinyike Muana wa Mvidi Mukulu, Muena kulu. Maweja-Nangila Mvidi Mukulu neamuteke mukalenga, bu muvua nkambua wende Davide.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Yowanane 1:23

Yowanane kuandamuna ne: — Ndi “Diyi dia muntu udi wela lubila mu tshipela ne: Longololayi njila wa Maweja-Nangila bimpe!” (Ke bivua muambi Yeshaya muambe.)

Yowanane 1:27

Udi ulua panyima panyi. Kadi tshiena nansha muakanyine kusulula nshinga ya bisabata biende.

Yowanane 3:28

Nudi mua kujadika mumvua munuambile ne: “Tshiena Meshiya, kadi bavua badianjila kuntuma kumpala kuende.”

Bienzedi 16:17

Kutulondaye tuetu ne Polu, wela mbila ne: — Bantu aba mbena mudimu wa Mvidi Mukulu, Muena kulu! Badi banumanyisha munudi mua kupanda!