Lewitiki 8:4 - MUKANDA WA MYIDI MUKULU

⁴ Moshe kuenza bionsu bivua Maweja-Nangila mumuambile. Bantu bonsu kutuilangana ku mushiku wa ntenta wa kusambakena.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mose Wakenza bu muakamuambila Yehowa; bantu bonso bakasangakena ku mbelu kua ntenta wa kusangakena.

Lewitiki 8:4 교차 참조

Ekesode 39:1

Batedi ba bilamba kutela bilamba bia lumu bia kuenza nabi mudimu muaba wa tshijila. Kutelelabu kabidi Arone bilamba bia kuenza nabi mudimu wa butuangaji, bu muvua Maweja-Nangila muambile Moshe.

Ekesode 39:21

Kusuikakajabu nkanu ya bijengu ivua ku tshilamba tshia pa tshiadi, ne ivua ku tshilamba tshia efode ne monji mufikuluke. Tshilamba tshia pa tshiadi kushalatshi pa mutu pa tukaba tuvua ku tshilamba tshia efode, bua tshilamba tshia pa tshiadi katshilamuku ku tshia efode, bu muvua Maweja-Nangila muambile Moshe.

Ekesode 39:26

Nanku misangu yonsu kuinshi kua muntumpu kuvua tshimuma tshia grenade ne ludibu bishintulukangana, bu muvua Maweja-Nangila muambile Moshe.

Ekesode 39:29

Kubatekabu kabidi mikaba milengeja ne buanda bukole bua ndanda, busambakaja ne bua miosa ya nyama bufikuluke, bukunzubile ne bukunze kunzuu, bu muvua Maweja-Nangila muambile Moshe.

Ekesode 39:5

Kutelabu kabidi tukaba tua kusuika tshilamba tshia efode tshia mutuangaji munene. Tukaba atu tuvua tutela ne buanda bua mushindu umue, tulamakane ne tshilamba atshi, bu muvua Maweja-Nangila muambile Moshe.

Ekesode 39:7

Pashishe, kutekabu mabue awu pa mutu pa mampinda abidi avua ku tshilamba tshia efode tshia mutuangaji munene, bua Maweja-Nangila ikale uvuluka bisamba dikumi ne bibidi bia bena Izrayele, bu muvuaye muambile Moshe.

Lewitiki 8:13

Pashishe Moshe kubikila bana ba Arone ba balume, kubavuadika mintumpu, kubasuika mikaba, kubasa bifulu ku mitu, bu muvua Maweja-Nangila mumuambile.

Lewitiki 8:17

Kadi munyinyi wa ngombe awu uvua mushale, tshiseba, bia munda ne bunyawu, Moshe kumuka nabi mu mitanda, kuya kubiosha amu muvua Maweja-Nangila mumuambile.

Lewitiki 8:29

Moshe kuangata tshiadi tshia tshimpanga atshi, kutshiela mulu, kutshinyukula. Pashishe kutshiangataye, anu muvua Maweja-Nangila mumuambile.

Lewitiki 8:3

Pashishe ukunguje bantu bonsu ba bena Izrayele muaba ewu.

Lewitiki 8:35

Nushale anu mu mushiku wa ntenta wa kusambakena matuku muanda mutekete a munya ne a butuku, bua kuenza mudimu munufundile kudi Maweja-Nangila, bua kanufu. Ke mikenji ivua Mvidi Mukulu mungambile.

Lewitiki 8:5

Moshe kubambila ne: “Mpindiewu ndi ne bua kuenza tshivua Maweja-Nangila muambe.”

Lewitiki 8:9

Kumuasaye tshifulu ku mutu. Kumpala kua tshifulu, kuvua kulamika tshitata tshia tshiamu tshia mpawungi, tshifuane tshilongu, bilondeshile mikenji ya Maweja-Nangila.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

1 Korente 11:23

Telejayi bimvua mupete kudi Mfumu, kabidi bimvua munulongeshe. Mfumu Yezu, butuku buvuabu ne bua kumukuata, uvua muangate diampa.

1 Korente 15:3

Mvua munulongeshe malu avuabu bandongeshe: Bualu bupite bunene mbobu ebu: Kristu mmufue bua mibi yetu, muvua Mikanda ya tshijila midianza kuamba.