Lewitiki 7:2 - MUKANDA WA MYIDI MUKULU

² Badi ne bua kukosa nyama muminu, muaba udibu bashipela nyama ya milambu ya kuosha. Pashishe bamiamine mashi ku nseke yonsu ya tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

² Nebashihele mulambu wa disambuka dia mikenji kudibo bashihela mulambu wa kuosha ha kahia, muakuidi neamiamine mashi ku nseke yonso ya tshioshelu.

Lewitiki 7:2 교차 참조

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 40:39

Ku tshimana tshia ku ndekelu kua tshibambalu tshinene, nseke yonsu ibidi, kuvua mesa abidi. Pa mesa apa bavua bakoselapu mitu ya nyama ivuabu balambula Maweja-Nangila bu milambu ya kuosha, nansha bu milambu mikuabu ya kudikobolola.

Lewitiki 1:11

Amukose muminu kumpala kua ntenta, luseke lua ku mutu kua tshilambuilu. Batuangaji bamiamine mashi awu ku nseke yonsu ya tshilambuilu.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Lewitiki 1:5

Akose ngombe awu muminu kumpala kua ntenta. Batuangaji, bana ba Arone, baye ne mashi a ngombe awu kudi Maweja-Nangila. Baamiamine ku nseke yonsu ya tshilambuilu tshidi ku mushiku wa mbelu wa ntenta.

Lewitiki 14:13

Akosele muana wa mukoku awu muminu anu muaba wa tshijila, udibu bakosela nyama miminu ya milambu ya kuosha ne ya kukobolola nayi bantu. Nanku, bintu bia mulambu wa kukobolola nawu bantu ne bia mulambu wa dinua tshibalu, nebabiangate kudi mutuangaji, bualu mbintu bia tshijila menemene.

Lewitiki 3:2

ateke tshianza pa mutu pa ngombe awu, amukosele muminu mu mushiku wa mbelu wa ntenta wa kusambakena. Batuangaji, bana ba Arone, bamiamine mashi a ngombe awu ku nseke yonsu ya tshilambuilu.

Lewitiki 3:8

Ateke tshianza pa mutu pa mukoku awu. Aukose muminu kumpala kua ntenta wa kusambakena. Batuangaji bamiamine mashi a mukoku awu ku nseke yonsu ya tshilambuilu.

Lewitiki 4:24

Ateke tshianza pa mutu wa mbuji awu, amukosele muminu kumpala kua Maweja-Nangila, muaba udibu bashipela nyama ya milambu ya kuosha. Mulambu awu mbua kukobolola mfumu wa bena Izrayele bua Mvidi Mukulu amufuile luse.

Lewitiki 4:29

Ateke tshianza pa mutu pa mbuji awu, amukosele muminu muaba udibu bashipela nyama ya milambu ya kuosha.

Lewitiki 4:33

Ateke tshianza pa mutu wa mukoku awu, aukosele muminu pa muaba udibu bashipela nyama ya milambu ya kuosha.

Lewitiki 5:16

Muntu awu afile kabidi milambu iwaye kayi mufile. Asakidile kabidi ne tshia bitanu tshimue tshia mushinga wa bintu abi. Apeshe mutuangaji bintu bionsu abi. Mutuangaji alambule nyama wa tshibawu awu, akobolole muena tshibawu bilondeshile mudi mikenji, bua Mvidi Mukulu amufuile luse.

Lewitiki 5:7

“Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

Lewitiki 5:9

Itshikije mashi makese ku nseke ya tshilambuilu. Mashi onsu adi mashale, ayitshikije kuinshi kua tshilambuilu. Mulambu ewu mbua kukobolola muntu awu.

Lewitiki 6:7

“Bua kulambula mulambu wa bintu bia mu madimi, nuenze nunku: “Anu bana ba Arone ba balume ke badi mua kuela bintu abi mulu, kumpala kua tshilambuilu, kubinyukula bua kubilambula Maweja-Nangila.

Dibadika 6:12

Muntu awu, neatuadije kabidi kudijidila. Nealambule muana wa mukoku wa tshidimu tshimue bua mulambu wa kudikobolola nawu. Matuku onsu avuaye mumane kudijidila awu, kabena baabale kabidi to, bualu mmamane kunyanguka.

Ebrewu 11:28

Amu bua ditaba, kujadikaye bua kuenza tshibilu tshia Dipita dia Maweja-Nangila. Kutumaye diyi bua bamiamine mashi ku biibi, bua mutumibue wa lufu kashipi banabute ba bena Izrayele.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.