Lewitiki 6:3 - MUKANDA WA MYIDI MUKULU

³ Pashishe mutuangaji avuale muntumpu muenza ne buanda bua ndanda. Avuale kabidi kaputula ka tshilamba kenza ne buanda bua ndanda. Aboye butu budi pa tshilambuilu, anji kubuteka panshi ku luseke lua tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

³ anyi bianguleye tshintu tshiakajimishabo kudi mukuabo mumudinge bua bualu ebu ne muditshiheye ne mashimi, bienzeye malu mabi â onso,

Lewitiki 6:3 교차 참조

Ekesode 23:4

“Nuenu bamone ngombe nansha mpunde wa muena lukuna nenu mujimine, numupingaje kudi mfumuende.

Ekesode 28:42

Ubatelele kabidi tuputula tua muinshi tua buanda bua ndanda, tumukila mu tshimonu too ne mu binu bua butaka buabu kabumueneki.

Nsumuinu 24:28

Kufundi muena mutumba nebe ku tubadi padiye kayi ne bualu. Udi musue kushima bibi nenku bua tshinyi?

Nsumuinu 30:9

Bualu meme ne bintu bipite bungi, ndi mua kukuvila ne: ‘Tshidi Mvidi Mukulu wenza ntshinyi?’ Kadi meme mupele menemene, ndi mufuane kuiba, bua kupepeja nanku Mvidi Mukulu wanyi.”

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

Yirmeya 7:9

Eyowa, nudi nuiba, nushipangana, nuenda tshiendenda, nuditshipa mitshipu ya dishima, nulambula milambu kudi Baale, nutendelela mvidie ya bantu ba bisamba bikuabu inudi kanuyi bamanye to.

Yezekiyele 44:19

Padibu basue kupingana mu lubanza lua pa mbelu, muaba udi bantu bakuabu, badi ne bua kuvula bilamba bivuabu nabi, pavuabu benza midimu yabu, kubiteka mu bibambalu bia tshijila. Nanku nebavuale bikuabu bilamba bia patupu. Nanku padibu bavula bilamba abi, bantu bakuabu kabena ne mushindu wa kulenga bilamba bia batuangaji bia tshijila to.

Lewitiki 1:16

Umushe dibodi dia nyunyi ne bintu bionsu bidimu. Abimanshe muaba udibu bimansha butu luseke ludi diba dipatukila lua tshilambuilu.

Lewitiki 16:4

Arone udi ne bua kuvuala muntumpu muenza ne buanda bua ndanda, kaputula ka muinshi ka buanda bua ndanda. Neasuike kabidi mukaba wa buanda bua ndanda, uvuala ne tshifulu tshienza ne buanda bua ndanda. Kadi, mudi bilamba ebi bia tshijila, udi ne bua kubivuala amu yeye muanji kuowa mayi.

Lewitiki 19:12

Kanutshipi mutshipu wa dishima, nutela dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

Zekâya 5:4

Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”