Lewitiki 4:4 - MUKANDA WA MYIDI MUKULU

⁴ Aye ne ngombe awu muaba wa tshijila, mu mushiku wa mbelu wa ntenta wa kusambakena. Amuteke tshianza pa mutu, amukosele muminu muaba awu kumpala kua Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nealue ne muana wa ngombe ku mbelu kua ntenta wa kusangakena ku mesu kua Yehowa, neatenteke tshianza tshiandi ha mutu ha muana wa ngombe, neashihe muana wa ngombe ku mesu kua Yehowa.

Lewitiki 4:4 교차 참조

2 Kulondolola 29:23

Bua mbuji ya mpumbu ya mulambu wa kukobolola bantu, bavua baye nayi muaba uvua mukalenga Izkiya ne bantu bakuabu bonsu. Mukalenga Izkiya ne bavuaye nabu kutenteka mbuji ayi bianza.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Danyele 9:26

Ku nshikidilu kua bidimu muanda mutekete bivudija misangu makumi asambombu ne ibidi ebi, nebashipe muntu wa tshijila, kakuyi udi umusungidila. Pashishe mfumu mukuabu neafike ne tshiluilu tshiende. Neabutule tshimenga ne muaba wa tshijila. Kadi mfumu ewu neajimine ku tshiji tshia Mvidi Mukulu. Kadi too ne ku lufu luende, nealuangane mvita ya tshinyangu bu muvuabu babijadike.

Lewitiki 16:21

Atenteke bianza biende bibidi pa mutu pa mbuji awu, utonda pambidi pende mibi yonsu, buntomboji ne buenzayi bua bena Izrayele. Udi ubiumpuila mbuji awu. Pashishe badi basungula muntu udi ne bua kuipata mbuji awu, kumutuma mu tshipela.

Lewitiki 4:15

Balombodi ba bena Izrayele bateke bianza pa mutu wa ngombe awu. Mulombodi umue amukosele muminu pa muaba awu kumpala kua Maweja-Nangila.

Lewitiki 4:29

Ateke tshianza pa mutu pa mbuji awu, amukosele muminu muaba udibu bashipela nyama ya milambu ya kuosha.

Lewitiki 8:14

Pashishe kutualabu ngombe mulume bu mulambu wa kukobolola nawu bantu. Arone ne bana bende ba balume kutenteka bianza pa mutu pa ngombe awu.

Dibadika 8:12

Bena Levi nebatenteke bianza pa mutu pa ngombe ibidi bua kuyindambula meme Maweja-Nangila, umue bua mulambu wa kubakobolola nawu, mukuabu bua mulambu wa kuosha.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.