Lewitiki 3:9 - MUKANDA WA MYIDI MUKULU

⁹ Pashishe, mutuangaji ele bintu ebi mulu, abinyukule bua kubilambula Maweja-Nangila: ke mukila mujima mulamuina ku makunku, mafuta onsu adi malamate ku bia munda,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye neoshe mulambu wa kuvuisha nʼau ditalala bu mulambu wa kuoshila Yehowa ha kahia, yeye neumushe dianyi dionso ne dianyi dia mukila didi hehi ne muongo ne dianyi didi ha mutu ha bintu bia munda,

Lewitiki 3:9 교차 참조

2 Samuele 6:17

Kuyabu kuteka mushete muaba uvuabu bamane kulongolola, mu ntenta uvua Davide muashile mushete awu. Ke Davide kulambula Maweja-Nangila milambu ya kuosha ne ya bobumue.

1 Bakalenga 3:15

Shelomu ubika ku tulu, kumanyaye ne: Mvidi Mukulu mmuyukile nanyi mu tshilota. Kupinganaye ku Yerushalayime, kuimanaye kumpala kua Maweja-Nangila, kumpala kua mushete wa ndondu. Shelomu kulambula Mvidi Mukulu milambu ya kuosha, ne ya bobumue. Pashishe kulambishilaye balombodi ba mu bukalenga buende bonsu biakudia bia disanka.

1 Bakalenga 8:63

Bua kubanjija nzubu wa Mvidi Mukulu, Shelomu kulambula milambu ya bobumue: ngombe binunu makumi abidi ne bibidi, mikoku ne mbuji binunu lukama ne makumi abidi.

1 Bakalenga 8:64

Dituku adi, mukalenga Shelomu kujidila tshitupa tshijima tshia pankatshi tshia lubanza luvua kumpala kua nzubu wa Mvidi Mukulu. Tshilambuilu tshia tshiamu tshikunze tshivua pabuipi ne mushiku wa mbelu wa nzubu wa Mvidi Mukulu, tshivua tshikese tshitambe. Katshivua tshikumbane mua kulambuilapu milambu yonsu to. Nanku, Shelomu kulambuila milambu ya kuosha, ya bintu bia mu madimi, ne manyi a nyama ya milambu ya bobumue anu mu lubanza amu.

1 Kulondolola 16:1

Bambudi kuya kuteka mushete mu ntenta uvua Davide muashile mushete awu. Pashishe Davide kulambula Mvidi Mukulu milambu ya kuosha ne ya bobumue.

Ekesode 29:22

Mulambu wa mukoku muibidi ewu ke mbangilu wa mudimu wa butuangaji. Pashishe, ku munyinyi wa mukoku wa tshimpanga awu, umushe bintu bia mafuta: mukila, mafuta, lutandatanda lua ku mutshima, tshibelu tshia luseke lua balume, tuonyi tubidi ne mafuta adi malamataku ne adi malamata ku mala.

Nsumuinu 23:26

Muananyi, ngitaba. Sanka bua umfuane meme.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Lewitiki 17:5

Nenku bilondeshile mudi mukenji awu, bena Izrayele kabatshiena mua kushipela nyama ku misoku. Kadi bayifile ne muoyi kudi mutuangaji mu mushiku wa ntenta, bua ayilambule Maweja-Nangila bu mulambu wa bobumue.

Lewitiki 7:3

Kadi balambule Maweja-Nangila munyinyi onsu wa mafuta: mukila, mafuta onsu adi malamate ku bia munda,

Lewitiki 8:25

Pashishe Moshe kuangata mukila wa tshimpanga atshi, mafuta onsu adi malamate ku bia munda, lutandatanda lua ku mutshima, tuonyi tubidi ne mafuta onsu adi malamateku, kabidi ne tshibelu tshia luseke lua dia balume.

Lewitiki 9:19

Kumupeshabu munyinyi wa mafuta a ngombe, kabidi ne mukila, mafuta onsu adi malamate ku bia munda, tuonyi ne lutandatanda lua ku mutshima bia mukoku wa tshimpanga.

Dibadika 7:88

ngombe milume makumi abidi ne inayi, mikoku ya bimpanga makumi asambombu, mbuji ya mpumbu makumi asambombu ne bana ba mikoku makumi asambombu ba tshidimu tshimue, bua milambu ya bobumue. Ke milambu ivua bamfumu ba bena Izrayele bafile bua kujidila tshilambuilu, batuangaji bamane kutshilaba manyi.

1 Samuele 10:8

Pashishe udianjila kupueka ku Ngilgale kumpala kuanyi. Meme nenshishe kukulonda, bua kulambula milambu ya kuosha ne ya bobumue. Ungindile ku Ngilgale matuku muanda mutekete. Pangafika nenkuambile tshiudi mua kuenza.