Lewitiki 3:5 - MUKANDA WA MYIDI MUKULU

⁵ Batuangaji boshe munyinyi onsu ewu pa tshilambuilu, pamue ne mulambu wa kuosha, bualu udi mulambu wa dipembu dimpe didi disankisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bana balume ba Alona nebabioshile ha tshioshelu, ha nkunyi idi mu kahia tshintu etshi ntshintu tshia mulambu wa kuosha ha kahia, bu tshintu tshidi tshitua dihembu kudi Yehowa.

Lewitiki 3:5 교차 참조

1 Bakalenga 8:64

Dituku adi, mukalenga Shelomu kujidila tshitupa tshijima tshia pankatshi tshia lubanza luvua kumpala kua nzubu wa Mvidi Mukulu. Tshilambuilu tshia tshiamu tshikunze tshivua pabuipi ne mushiku wa mbelu wa nzubu wa Mvidi Mukulu, tshivua tshikese tshitambe. Katshivua tshikumbane mua kulambuilapu milambu yonsu to. Nanku, Shelomu kulambuila milambu ya kuosha, ya bintu bia mu madimi, ne manyi a nyama ya milambu ya bobumue anu mu lubanza amu.

2 Kulondolola 35:14

Pashishe, bena Levi bavua balongolola bintu bivua batuangaji ne bua kupeta, ne bivuabu bobu mene ne bua kudia. Bualu batuangaji, ndelanganyi ya Arone, bavua benza mudimu wa kulambula milambu ya kuosha, ne mafuta a milambu mikuabu too ne ku dilolu. Ke muvua bena Levi balambe biakudia.

Ekesode 29:13

Wangate mafuta onsu adi ku mala, tuonyi ne mafuta atu, ne lutandatanda lua ku mutshima, ubioshe pa tshilambuilu.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Yezekiyele 44:7

Panudi nundambula bia pa madimi, mafuta ne mashi a nyama, nudi nubueja mu nzubu wanyi bantu benyi, batuabu kabayi bateka panshi, badi kabayi bangitaba to. Ke munudi nupisha nzubu wanyi mikiya. Ke munudi banyanga ndondu udi mututuangaje nenu, ne malu enu mabi onsu andi mbenga.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 1:17

Mutuangaji apande nyunyi awu mu tshiadi amutanyinyike. Oshe munyinyi onsu pa nkunyi ya kapia idi pa tshilambuilu, bualu mmulambu wa dipembu dimpe didi disankisha Maweja-Nangila.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 3:11

Mutuangaji oshe bintu bionsu abi pa tshilambuilu, bualu mmulambu udibu boshila Maweja-Nangila.

Lewitiki 3:4

tuonyi tubidi ne mafuta onsu adi malamataku, mafuta adi malamate ku mulemba, lutandatanda ludi ku mutshima ludibu balamuna pamue ne tuonyi.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 4:35

Bumushe munyinyi wa mafuta onsu, bu mudibu benza bua mukoku wa mulambu wa bobumue. Mutuangaji awoshe pa tshilambuilu pamue ne milambu mikuabu idibu boshila Maweja-Nangila. Mutuangaji akobolole muena tshibawu awu mushindu ewu bua Mvidi Mukulu amufuile luse.

Lewitiki 6:12

Maweja-Nangila kuambila Moshe ne:

Lewitiki 7:28

Maweja-Nangila kuambila Moshe ne: imanyisha kabidi bena Izrayele ne:

Lewitiki 9:17

Pashishe kulejaye Maweja-Nangila milambu ya bintu bia mu madimi. Kuambulaye dianza dia bukula, kuboshila Mvidi Mukulu pa tshilambuilu. Nanku, dinda dionsu bavua basakidila bintu abi ku mulambu wa kuosha.

Dibadika 15:8

Pikala muntu musue kundambula ngombe bua mulambu wa kuosha nansha wa bobumue, nansha bua kukumbaja malaya, nansha bua mulambu wa tshibidilu,

Dibadika 18:17

Kadi muanabute wa ngombe, wa mukoku, nansha wa mbuji, kubena mua kumupikula to, bualu nnyama ya tshijila. Nenuele mashi ayi ku tshilambuilu. Nenungoshile kabidi mafuta a nyama ayi bua nganyishe dipembu diawu dimpe.

Dibadika 28:12

Ku tshimuna tshionsu, nenusakidile mulambu wa bukula, busambakaja ne mafuta: ku ngombe yonsu, nenusakidile bukula kilo tshitema, ku mukoku wa tshimpanga, bukula kilo isambombu,

Dibadika 28:3

“Dituku dionsu nungoshile bana ba mikoku babidi ba tshidimu tshimue, kabayi ne bulema pambidi. Matuku onsu nenundambule milambu ya kuosha ayi mu bujima buayi.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.