Lewitiki 3:3 - MUKANDA WA MYIDI MUKULU

³ Pashishe, batuangaji balambule Maweja-Nangila bintu ebi: mafuta onsu adi malamate ku bia munda,

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye neoshe mulambu wa kuvuisha nʼau ditalala bu mulambu wa kuoshila Yehowa ha kahia, dianyi didi dibuikila bintu bia munda ne dianyi dionso dia ha mutu ha bintu bia munda,

Lewitiki 3:3 교차 참조

Misambu 119:70

Lungenyi luabu ndujibale, kadi meme ndi nsanka bua kutumikila mikenji yebe.

Ekesode 29:13

Wangate mafuta onsu adi ku mala, tuonyi ne mafuta atu, ne lutandatanda lua ku mutshima, ubioshe pa tshilambuilu.

Ekesode 29:22

Mulambu wa mukoku muibidi ewu ke mbangilu wa mudimu wa butuangaji. Pashishe, ku munyinyi wa mukoku wa tshimpanga awu, umushe bintu bia mafuta: mukila, mafuta, lutandatanda lua ku mutshima, tshibelu tshia luseke lua balume, tuonyi tubidi ne mafuta adi malamataku ne adi malamata ku mala.

Nsumuinu 23:26

Muananyi, ngitaba. Sanka bua umfuane meme.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Yezekiyele 36:26

Nennupe muoyi mupiamupia. Nembueje mueyelu mupiamupia munda muenu. Nengumushe muoyi wenu mupape bu dibue, mpingaja muoyi wa muntu.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Lewitiki 1:12

Pashishe, muena Izrayele awu umushe mutu ne mafuta, akosolole munyinyi. Mutuangaji ateke bintu bionsu abi pa nkunyi ya kapia idi pa tshilambuilu.

Lewitiki 1:8

Batekepu mabulu a munyinyi, mutu ne mafuta a nyama.

Lewitiki 16:25

Pashishe neoshile mafuta a nyama ya milambu ya kudikobolola nayi pa tshilambuilu.

Lewitiki 3:16

Mutuangaji oshe bintu bionsu abi pa tshilambuilu, bualu mmulambu wa dipembu dimpe moshila Maweja-Nangila. “Mafuta onsu ikale a Maweja-Nangila.

Lewitiki 3:2

ateke tshianza pa mutu pa ngombe awu, amukosele muminu mu mushiku wa mbelu wa ntenta wa kusambakena. Batuangaji, bana ba Arone, bamiamine mashi a ngombe awu ku nseke yonsu ya tshilambuilu.

Lewitiki 3:4

tuonyi tubidi ne mafuta onsu adi malamataku, mafuta adi malamate ku mulemba, lutandatanda ludi ku mutshima ludibu balamuna pamue ne tuonyi.

Lewitiki 4:10

— Munyinyi wa mafuta onsu awu, ke udi mutuangaji umusha kabidi padiye ulambula milambu ya bobumue. — Mutuangaji munene oshe munyinyi onsu ewu pa tshilambuilu tshia milambu ya kuosha.

Lewitiki 7:30

Neambule yeye mene bionsu bidibu ne bua kulambula Maweja-Nangila: ke munyinyi wa mafuta, ne tshiadi tshia nyama awu. Bele tshiadi tshia nyama atshi mulu, batshinyukule bua kutshilambula.

Lewitiki 7:5

Mutuangaji oshe bionsu ebi pa tshilambuilu. Bualu bidi mulambu wa dinua tshibalu, udibu boshila Maweja-Nangila, ushile.

Lewitiki 9:10

Kuoshilaye Maweja-Nangila mafuta onsu, ne tuonyi tubidi, ne lutandatanda lua ku mutshima, bu muvua Maweja-Nangila muambile Moshe.

Matayi 13:16

Kadi nuenu nudi bena diakalenga, bualu mesu enu adi amona, matshi enu adi umvua!

Matayi 15:8

“Bantu aba badi bannemeka amu ne miaku patupu, kadi muoyi wabu udi kule, kawena kundi.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

1 Samuele 2:15

Misangu mikuabu kabayi banji kuosha mafuta a nyama wa mulambu, muntu uvua wambuluisha mutuangaji uvua uya kudi muntu uvua ulambula mulambu, umuambila ne: “Umpeshe munyinyi wa kuoshila mutuangaji. Bualu kena musue umupesha munyinyi mulamba to, anu munyinyi mubishi.”