Lewitiki 26:4 - MUKANDA WA MYIDI MUKULU

⁴ nendokeshe mvula pa diba diende, bua nupete biakudia bia bungi mu madimi enu, kabidi bua mitshi ikuame bimuma.

Mukanda wa Nzambi Dihungila Dikulukulu ne Dihungila Dihia-dihia 2003

⁴ nennuhe nvula mu tshidimu tshia nvula, ne buloba nebukuame bintu bia bungi, ne mitshi ya mu madimi neyikuame mamuma a bungi.

Lewitiki 26:4 교차 참조

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

Yobe 5:10

Amu yeye ke udi ulokesha mvula bua kufila tshitalela pa buloba. Udi utuma mayi makumbana pa madimi.

Misambu 104:13

Udi ulokesha mvula wa muebe mu diulu, udi utabalela buloba bua buikale ne mayi makumbane.

Misambu 67:6

Mvidi Mukulu, bukua panu bukutumbishe! Bisamba bionsu bikuele tuasakidila!

Misambu 67:7

Buloba mbumeneshe biakudia bivule, nenku Mvidi Mukulu, Mvidi Mukulu wetu mmutuele lupemba!

Misambu 68:9

buloba kuzakala, mvula kuloka bikole, bionsu bikutshina wewe, Mvidi Mukulu wa Sinayi, bitshina Mvidi Mukulu wa Izrayele.

Misambu 85:12

Bulelela nebufumine mu buloba, kadi buakane nebufumine mu diulu.

Misambu 85:13

Maweja-Nangila ke udi upesha bantu masanka, ne ditunga dietu nedipatule bintu biadi.

Yeshaya 30:23

Maweja-Nangila neanulokeshile, mvula bua maminu, anudi bakuna mu buloba, atoloke bimpe. Nenku nenunowe pa madimi enu ntete mivule, kabidi mimpe. Dituku adi, bimuna bienu nebikale ne biakudia bivule mu mpata mialabale.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yezekiyele 36:30

Nemmeneshe mitshi, ikuama bimuma bia bungi. Nenupete biakudia bia bungi mu madimi. Nanku kanuakufua kabidi bundu ku mesu a bantu ba bisamba bikuabu bua nzala inudi nayi.

Yowele 2:22

Nuenu, nyama ya mu tshisuku, kanutshinyi kabidi, bualu bisosa bia mu mpata mbisampile, mitshi mmikuame bimuma, mitshi ya mfiku ne mionji ya mvinyo mmikuame bipite bungi.

Lewitiki 25:19

Buloba nebuike biakudia bivule. Nenudie nukute, nenusombe ku matshi talalaa.

Lewitiki 25:21

Kadi meme Maweja-Nangila ndi ngamba ne: mu tshidimu tshisambombu, nennuvudijile biakudia bia bungi, bikumbane bua bidimu bisatu.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Bienzedi 14:17

Kadi uvua udimanyisha matuku onsu mu malu mimpe avuaye wenza: udi unulokeshila mvula, ubobesha bikunyibua mu tshikondu tshiabi, unupa biakudia, usankisha mioyi yenu.

Dielulula 11:13

Nuenu bakumbaje bimpe mikenji ya Maweja-Nangila Mvidi Mukulu, indi nnuambila lelu eyi, nuenu bamunange, bamuenzele mudimu ne muoyi wenu mujima ne bukole buenu buonsu,

Dielulula 11:14

nealokeshe mvula anu pa diba diende, bua nupete biakudia bimpe, ntete ya bungi ya kuenza bukula, maluvu a mvinyo, ne mafuta.

Dielulula 28:12

Bena Izrayele, Maweja-Nangila neanunzuluile tshibuashibuashi, muaba udiye mulame mayi a mvula. Neanulokeshile mvula anu pa diba diende, bua midimu yenu yonsu itante. Nanku kanuakusomba makuta kudi bantu ba bisamba bikuabu to. Amu bobu nebikale banusomba.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Didimanyisha 11:6

Bajadiki abu badi ne bumfumu bua kukanga diulu, kukandika mvula bua kaloki matuku adibu bamanyisha bantu muaku wa Mvidi Mukulu. Badi kabidi ne bumfumu bua kuandamuna mayi enza mashi, ne bua kunyanga buloba, misangu yonsu idibu basue, ne bipupu bia mishindu yonsu.