Lewitiki 26:1 - MUKANDA WA MYIDI MUKULU

¹ “Kanuena mua kuenza mpingu ileja mvidie ya dishima. Kanuena mua kuimanyika mpingu ayi, nansha kujidila mabue. Kanuena mua kuteka mabue mu ditunga dienu, kuazola bua kuatendelela to. Bualu meme ndi Maweja-Nangila Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kanusongi mpingu, kanujadiki luhingu lua tshiamu tshiakafulabo, anyi dikunshi anyi dibue diakasongabo mu buloba buenu bua kubmamina, bualu bua meme ndi Yehowa, Nzambi wenu.

Lewitiki 26:1 교차 참조

2 Bakalenga 17:10

Bavua bibaka bibumba bia mabue, ne makunji a kutendelela mvidie, ku nsongu ya mikuna, muinshi mua mitshi ivua ne dileji dia bungi.

2 Bakalenga 17:16

Bavua balengulula meyi onsu a Maweja-Nangila Mvidi Mukulu wabu. Bavua badienzela mpingu ibidi ya tuana tua ngombe tua tshiamu tshiengulula, badienzela kabidi makunji a kutendelela. Bavua batendelela bintu bionsu bidi mu tshibuashibuashi, benzela mvidie Baale mudimu.

2 Bakalenga 17:8

bidikije bilele bia bisamba bikuabu bivua Maweja-Nangila muipate bua kubashila ditunga adi. Bavua balonda kabidi bilele bivuabu babueje mu ditunga kudi bakalenga ba bena Izrayele.

Misambu 78:58

Kupendabu Maweja-Nangila, batendelela pa mikuna miaba ya bantu benyi, mvidie ya bantu ba bisamba bikuabu, kumufikishabu munda ne disonga dia mpingu ya mvidie ya patupu.

Misambu 97:7

Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Ekesode 20:2

— Meme ndi Maweja-Nangila, Mvidi Mukulu webe, uvua mukupatule mu ditunga dia Ejipitu, muvuabu bakukuate ku bupika.

Ekesode 20:23

Kanuenji mpingu ya mvidie, mifula ne biamu bitoke bia mushinga mukole nansha ne mpawungi. Kanuenji mvidie inudi nutendelela pamue nanyi!

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Ekesode 34:17

“Kanuenji mvidie ya tshiamu bua kuyitendelela.

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Lewitiki 19:4

“Kanuena mua kutendelela mvidie ya dishima to. Kanuena mua kuengulula biamu bua kufula mpingu, kuyitendelela. Bualu Meme ndi Maweja-Nangila Mvidi Mukulu wenu.

Lewitiki 25:55

“Eyowa, bena Izrayele mbantu banyi, bamvua mupatule mu ditunga dia Ejipitu, bua meme kuikala Maweja-Nangila Mvidi Mukulu wabu.

Lewitiki 7:33

Tshibelu tshia nyama atshi, ntshia mutuangaji udi ulambula mashi ne mafuta pa tshilambuilu.

Dibadika 33:52

nuipate bena ditunga adi bonsu. Nunyange mpingu yonsu, idi ileja mvidie yabu, nansha bayisonge mu mabue, nansha bayifule ne tshiamu. Nunyangakaje kabidi miaba yabu yonsu idibu batendelela.

Bienzedi 17:29

Patudi bana bende, katuena mua kuela meji ne: Mvidi Mukulu udi mufuanangane ne lupingu luenza ne tshiamu tshia mpawungi, nansha ne tshiamu tshitoke tshia mushinga mukole, nansha ne dibue, bintu bidi bantu batalame benza ku lungenyi luabu.

Dielulula 27:15

“Muntu yonsu udi wenza lupingu lua mvidie, nansha lua dibue, lua mutshi, nansha lua tshiamu, kutendelela mu musokoku, mmuena diakabi. Bualu Maweja-Nangila Mvidi Mukulu wenu kena musue bintu bia mushindu ewu, bienza kudi bantu. Muntu ewu asangane muena tshibawu kuenza anyi?” Bena Izrayele nebandamune bonsu ne: “Enze!”

Dielulula 5:6

“Ndi Maweja-Nangila, Mvidi Mukulu wenu, udi munupatule ku bupika mu Ejipitu.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Balombodi 18:30

Bena Dane kuimanyika lupingu lua Mika bua kuntendelela. Yonatane, muana wa Ngershome (Ngershome uvua muana wa Moshe), kushala mutuangaji wa tshisamba tshia bena Dane. Ndelanganyi ya Yonatane ivua anu mu mudimu ewu wa butuangaji too ne pavua bantu baye mu bupika.