Lewitiki 22:2 - MUKANDA WA MYIDI MUKULU

² “Manyisha Arone ne bana bende ba balume bua kabapepeji dina dianyi dia tshijila to. Nanku banemeke milambu ya tshijila idi bena Izrayele bandambula meme, Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

² Wambile Alona ne bana bandi balume ne, Nuenu nudijidile ku bintu bia tshijila bia Bena Isalele bidibo banjidila, kanunyangishi dina dianyi dia tshijila meme ndi Yehowa.

Lewitiki 22:2 교차 참조

Ezela 8:28

Meme kubambila ne: — Bu mudibu bamane kunujidila bua kuenzela Maweja-Nangila mudimu, ke mudi kabidi binta ebi bijidile, bua bikale biende yeye. Tshiamu tshia mpawungi, ne tshiamu tshitoke tshia mushinga mukole, mmilambu ya budisuile idi bantu balambule Maweja-Nangila Mvidi Mukulu wa bankambua benu.

Ekesode 13:12

nujidile muanabute yonsu wa muntu nansha wa tshimuna, bua ashale wa Maweja-Nangila.

Ekesode 28:38

Padi Arone wasa tshifulu atshi, pandi ntshimona, nengikale mfuila bena Izrayele luse nansha bobu batupakana padibu bantuadila milambu.

Yeshaya 52:11

Nuenu badi bambula malongu, ngesu ne makopu, bua kutendelela nabi Maweja-Nangila, umukayi, umukayi lukasa. Patukayi mu Babilone. Kanulengi tshintu tshibi. Patukayi kanuyi nupia mikiya.

Yezekiyele 44:8

Nuenu kanuena nungenzela nansha mudimu muaba wanyi wa tshijila to. Kadi nudi batume bantu benyi bua kuenzabu mudimu awu pa muaba wenu.

Lewitiki 15:31

“Nuambile bena Izrayele bonsu badi bapia mikiya ne: ‘Kanusemenyi pabuipi ne muaba wa tshijila.’ Bualu padibu bapia mikiya, badi mua kunyanga ntenta undi musombe munkatshi muabu, kupeta njiwu ya lulu.”

Lewitiki 18:21

“Kuena ne bua kulambula bana bebe kudi mvidie wa Moleke to, bualu udi upepeja dina dianyi. Meme ndi Maweja-Nangila Mvidi Mukulu wenu.

Lewitiki 19:12

Kanutshipi mutshipu wa dishima, nutela dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

Lewitiki 20:3

Kabidi meme Maweja-Nangila nennyoke muntu awu. Nemmuipate munkatshi mua bena Izrayele, bualu mmulambule mvidie wa Moleke muanende. Mulambu wa mushindu awu, udi upisha muaba wanyi wa tshijila mikiya, upepeja dina dianyi dia tshijila.

Lewitiki 21:6

Batuangaji badi ne bua kungenzela mudimu. Kabena ne bua kufuisha dina dianyi bundu. Badi ne bua kundambula meme Maweja-Nangila Mvidi Mukulu wabu milambu. Ke mundi musue ne: bikale bantu ba tshijila matuku onsu.

Lewitiki 22:1

Maweja-Nangila kuambila Moshe ne:

Lewitiki 22:32

Nuenu bena Izrayele, kanupepeji dina dianyi dia tshijla to. Ndi musue bua numanye ne: ndi wa tshijila. Ndi Maweja-Nangila, uvua munusungule bua nuikale bantu ba tshijila.

Dibadika 18:32

Nuenu bamane kundambula bidi bimpe ku bintu bionsu abi, kanuena nuenza tshilema panudi nuangata bidi bishala. Nanku kanuakunyanga milambu ya tshijila ya bena Izrayele to. Kanuakubunda tshibawu tshia lufu nansha.

Dielulula 15:19

Bamuanabute balume bonsu, ba ngombe, mikoku ne mbuji yenu, nubajidile mu dina dia Maweja-Nangila Mvidi Mukulu wenu. Muanabute mulume wa ngombe, kanuena mua kumuenzeja mudimu to. Kabidi kuena mua kukosa miosa ya muanabute wa mukoku.