Lewitiki 2:3 - MUKANDA WA MYIDI MUKULU

³ Bukula bua mulambu budi bushale babuangate anu kudi Arone ne bana bende ba balume, bualu ntshitupa tshia tshijila menemene, tshia ku mulambu uvuabu balambula Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³ ne tshituha tshia bukula tshidi tshishale netshikale tshia Alona ne bana bandi balume ntshintu tshidi tshitambe tshia tshijila tshia mulambu wa kuoshila Yehowa ha kahia.

Lewitiki 2:3 교차 참조

Ezela 2:63

Mulombodi wa ditunga mene, kubakandika bua kabadi bintu bia tshijila menemene, too ne pikala mutuangaji mujadike bualu ebu ku Urime ne Tumime.

Ekesode 29:37

Ujidile tshilambuilu matuku muanda mutekete bua kujimija mibi yonsu idiku. Ku tshilambuilu mmuaba wa tshijila menemene, muntu yonsu watshilenga, nansha tshintu tshilengaku nebipete dinyoka.

Yezekiyele 44:29

Nebadie milambu ne minyinyi ya nyama idibu bafila bua milambu ya kudikobolola. Bintu bionsu bidi bena Izrayele bantekela, mbia batuangaji.

Yezekiyele 46:20

Kungambilaye ne: — Muaba ewu, ke udi batuangaji mua kuipikila munyinyi wa nyama idibu balambula, bua kukobolola bantu. Badi mua kuipikilamu kabidi milambu ya bintu bia pa madimi. Nanku, kabena mua kupatuka ne bintu ebi mu lubanza pa mbelu, bua bantu kabalengi bintu bia tshijila to.

Lewitiki 10:15

Nanku, misangu yonsu idibu bosha mafuta pa tshilambuilu kumpala kua Maweja-Nangila, nebafile kabidi tshibelu ne tshiadi, babiela mulu, babinyukule Pashishe wewe ne ndelanganyi yebe, nubiangate, nubidie, bualu mbintu bivua Maweja-Nangila munupe kashidi, bu muvuaye mumane kuamba.

Lewitiki 14:13

Akosele muana wa mukoku awu muminu anu muaba wa tshijila, udibu bakosela nyama miminu ya milambu ya kuosha ne ya kukobolola nayi bantu. Nanku, bintu bia mulambu wa kukobolola nawu bantu ne bia mulambu wa dinua tshibalu, nebabiangate kudi mutuangaji, bualu mbintu bia tshijila menemene.

Lewitiki 2:10

Bukula bua ku mulambu budi bushale, babuangate anu kudi Arone ne bana bende ba balume. Bualu ntshitupa tshia tshijila menemene, bualu ntshia ku mulambu uvuabu balambula Maweja-Nangila.

Lewitiki 21:22

Kadi muntu awu, udi mua kudia biakudia bidibu bandambula, nansha biobi bia tshijila menemene, nansha bia tshijila.

Lewitiki 5:13

Mutuangaji akobolole muena tshibawu awu anu mushindu ewu, bua Mvidi Mukulu amufuile luse. “Mutuangaji enze bionsu ebi anu muvuaye wenza bua mulambu wa bintu bia mu madimi.”

Lewitiki 6:9

Bukula bua mulambu budi bushale, babuangate anu kudi Arone ne bana bende ba balume. Kadi badie mulambu awu kabayi bela buanga bua mampa. Baudile mu lubanza lua ntenta wa kusambakena, bualu ke muaba wa tshijila.

Lewitiki 7:7

Mikenji ya mulambu wa dinua tshibalu ne ya mulambu wa kukobolola bantu, idi anu mushindu umue. Nanku amu mutuangaji udi ukobolola muntu ke udi wangata munyinyi awu.

Lewitiki 7:9

Padi mulambu wa bintu bia mu madimi bioshe muiku, bilambe mu luesu, nansha bikange pa dilata, bintu ebi nebishale bia mutuangaji uvua mulambule mulambu awu.

Dibadika 18:9

Ku milambu ya tshijila, bamane kuosha bitupa bidi bianyi, wewe ne ndelanganyi yebe, nenuangate milambu ya bia mu madimi bionsu bidibu bandambula, nyama ya kukobolola nayi bantu, ne nyama ya milambu ya dinua tshibalu.

1 Samuele 2:28

Munkatshi mua bisamba bionsu bia bena Izrayele, meme kusungula Arone nkambua webe, bua ikale mutuangaji wanyi, wenza mudimu wa kulambula milambu pa tshilambuilu tshianyi, kuosha mulambu wa manananshi ne kungebeja malu. Yeye ne ndelanganyi yende mvua mubapesha tshitupa tshia milambu idi bena Izrayele balambula.