Lewitiki 2:2 - MUKANDA WA MYIDI MUKULU

² Aye nabi kudi batuangaji, bana ba Arone. Mutuangaji ambule dianza dia bukula budi ne mafuta, ambule kabidi musenga wa kamonya onsu. Abioshe bionsu pa tshilambuilu. Bualu bidi mulambu wa tshivulukilu, udi ne dipembu dimpe didi disankisha Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

² nealue nʼabu kudi bana balume ba Alona bakuidi, neambulule dianza tente ne bukula ne manyi abu ne manananshi abu onso, ne muakuidi neabuoshile ha tshioshelu, bu tshivilukidi, bu tshintu tshidi tshi tua dihembu kudi Yehowa,

Lewitiki 2:2 교차 참조

Nehemya 13:14

“Eyi Mvidi Mukulu wanyi, uvuluke bionsu bindi muenze! Kupu muoyi malu onsu andi meme muenze ne muoyi umue, bua nzubu webe ne bua kulongolola ditendelela.”

Nehemya 13:22

Nanku, meme kuambila bena Levi, bua bumushe mikiya yabu, baye kulama biibi bia tshimenga, bua bantu banemeke dituku dia Dikisha. “Eyi, umvuluke Mvidi Mukulu wanyi, bua bualu ebu kabidi. Wewe udi muena dinanga, umfuile luse!”

Ekesode 30:16

Nanku, wangate makuta adi bena Izrayele bafila bua kudipandisha awu, ulongolole nawu bintu bia mu ntenta wa kusambakena. Nanku, meme Maweja-Nangila nemvuluke bena Izrayele, mbalame.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Lewitiki 1:13

Bia munda ne bikonu babisukule mu mayi. Mutuangaji abiele mulu, abinyukule, abioshile bionsu Maweja-Nangila pa tshilambuilu, bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 1:17

Mutuangaji apande nyunyi awu mu tshiadi amutanyinyike. Oshe munyinyi onsu pa nkunyi ya kapia idi pa tshilambuilu, bualu mmulambu wa dipembu dimpe didi disankisha Maweja-Nangila.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 2:16

Mutuangaji ambule dianza dia bukula budi ne mafuta, ambule kabidi musenga wa kamonya onsu, abioshe pa tshilambuilu, bualu mmulambu wa tshivulukilu udi moshile Maweja-Nangila.

Lewitiki 2:9

Ambule dianza dia bukula, aboshe pa tshilambuilu, bualu mmulambu wa tshivulukilu wa kuosha udi ne dipembu dimpe didi disankisha Maweja-Nangila.

Lewitiki 24:7

Wele musenga wa kamonya muimpe pa mulongu onsu. Pashishe oshe musenga wa kamonya awu bua kuulambula Maweja-Nangila pa mutu pa mampa, bu tshivulukilu.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 5:11

“Kadi padi muntu kayi ne mushindu wa kupeta tumandankutshi tubidi nansha nkudimba ibidi, alambule Maweja-Nangila kilo inayi ya bukula. Kadi pa bukula abu, kena mua kuelamu mafuta, nansha kutekapu musenga wa kamonya to. Bualu mmulambu wa kudikobolola nawu.

Lewitiki 5:12

Apeshe mutuangaji bukula abu, bua yeye ambule dianza dia bukula abu bu mulambu wa tshivulukilu, oshe bukula abu pamue ne milambu mikuabu idibu boshila Maweja-Nangila. Bualu mmulambu wa kudikobolola nawu.

Lewitiki 6:15

“Nanku muntu wa ku ndelanganyi ya Arone, udibu bajidila bua ikale mutuangaji munene, neikale ulambula mulambu ewu anu mushindu ewu. Bualu mmulambu udibu boshila Maweja-Nangila onsu kashidi, ushile.

Dibadika 5:18

Mutuangaji neumushe tshitambala tshia ku mutu wa mukaji awu, neamupeshe mu bianza mulambu wa bualu buvuabu ba-mubande nabu, kabayi bajadike. Mutuangaji neambule mayi a bululu awu, a kutshipa nawu muntu.

Dibadika 5:26

Nanku mutuangaji ambule dianza dia bukula bua tshivulukilu, aboshe pa tshilambuilu. Pashishe neanuishe mukaji awu mayi a bululu awu.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.