Lewitiki 2:16 - MUKANDA WA MYIDI MUKULU

¹⁶ Mutuangaji ambule dianza dia bukula budi ne mafuta, ambule kabidi musenga wa kamonya onsu, abioshe pa tshilambuilu, bualu mmulambu wa tshivulukilu udi moshile Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Muakuidi neabuoshe bu tshivulukidi, tshituha tshia miehu nu tua ne tshia manyi ne musenga wonso wa manananshi tshintu etshi ntshintu tshia mulambu wa kuoshila Yehowa ha kahia.

Lewitiki 2:16 교차 참조

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Yeshaya 61:1

Maweja-Nangila Mvidi Mukulu, mmunguwuje ne Mueyelu wende, bualu mmundabe manyi a tshijila, mmutume bua kumanyisha bapele lumu lua disanka, bua kukolesha ku muoyi badi benda batekete mu maboku, bua kuambila bavuabu baye nabu mu matunga a bende ne: nudi mua kuya kuonsu kunudi basue, ne bua kuambila bena lukanu ne: mbamane kunupatula mu lukanu.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 2:12

Kadi panudi nulambula Maweja-Nangila bintu bia tshianyi bia mu madimi enu, nudi mua kuelamu buanga bua mampa ne buitshi, kanuyi nubiosha pa tshilambuilu, bu munudi nuenza ne mulambu udi ne dipembu dimpe didi disankisha Maweja-Nangila.

Lewitiki 2:14

“Padi muena Izrayele ulambula Maweja-Nangila bintu bia tshianyi bia mu budimi buende, abikange, abitue mu tshinu, bangabanga ne kubilambula.

Lewitiki 2:15

Elemu mafuta, atekepu ne musenga wa kamonya, bualu mmulambu wa bintu bia mu madimi.

Lewitiki 2:9

Ambule dianza dia bukula, aboshe pa tshilambuilu, bualu mmulambu wa tshivulukilu wa kuosha udi ne dipembu dimpe didi disankisha Maweja-Nangila.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.