Lewitiki 2:1 - MUKANDA WA MYIDI MUKULU

¹ “Padi muena Izrayele ulambula Maweja-Nangila mulambu wa bintu bia mu madimi, angate bukula, elepu mafuta, atentekepu ne musenga wa kamonya.

Mukanda wa Nzambi Dihungila Dikulukulu ne Dihungila Dihia-dihia 2003

¹ Halua muntu ne mulambu wa bukula kudi Yehowa, neafile bukula bubotesha, newelehu manyi ne musenga wa manananshi,

Lewitiki 2:1 교차 참조

Ekesode 29:2

Wangate bukula bua ntete, wenze mampa adi kaayi mela buanga ne mikata mikanga ne mafuta, kayiyi miela buanga. Wangate kabidi tukata tubidi tupepele tukanga ne mafuta, kadi katuyi tuela buanga.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Yeshaya 66:20

Nenku bisamba ebi nebipingaje kuabu bana benu bonsu bavua muabu. Nebabande pa tubalu, mu matempu a mvita, ne pa bipoyi. Nebende panyima pa mpunde ne pa tumelu. Nebafike ku mukuna wanyi wa tshijila mu Yerushalayime. Maweja-Nangila udi wamba ne: ke mulambu udibu bandambula. Nenguanyishe amu mundi nganyishe mulambu udi bena Izrayele bantuadila mu nzubu wanyi, mu ngesu milengeja.

Yezekiyele 46:20

Kungambilaye ne: — Muaba ewu, ke udi batuangaji mua kuipikila munyinyi wa nyama idibu balambula, bua kukobolola bantu. Badi mua kuipikilamu kabidi milambu ya bintu bia pa madimi. Nanku, kabena mua kupatuka ne bintu ebi mu lubanza pa mbelu, bua bantu kabalengi bintu bia tshijila to.

Yowele 1:9

Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Lewitiki 14:10

“Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Lewitiki 24:7

Wele musenga wa kamonya muimpe pa mulongu onsu. Pashishe oshe musenga wa kamonya awu bua kuulambula Maweja-Nangila pa mutu pa mampa, bu tshivulukilu.

Lewitiki 5:11

“Kadi padi muntu kayi ne mushindu wa kupeta tumandankutshi tubidi nansha nkudimba ibidi, alambule Maweja-Nangila kilo inayi ya bukula. Kadi pa bukula abu, kena mua kuelamu mafuta, nansha kutekapu musenga wa kamonya to. Bualu mmulambu wa kudikobolola nawu.

Lewitiki 6:7

“Bua kulambula mulambu wa bintu bia mu madimi, nuenze nunku: “Anu bana ba Arone ba balume ke badi mua kuela bintu abi mulu, kumpala kua tshilambuilu, kubinyukula bua kubilambula Maweja-Nangila.

Lewitiki 9:17

Pashishe kulejaye Maweja-Nangila milambu ya bintu bia mu madimi. Kuambulaye dianza dia bukula, kuboshila Mvidi Mukulu pa tshilambuilu. Nanku, dinda dionsu bavua basakidila bintu abi ku mulambu wa kuosha.

Lewitiki 9:4

Bangate kabidi ngombe mulume, mukoku wa tshimpanga bua mulambu wa bobumue. Nenusakidile ku nyama mulambu wa bukula busampakaja ne mafuta. Bualu Maweja-Nangila neanumuenekele lelu.

Malaki 1:11

Meme Maweja-Nangila wa bukole buonsu, ndi njadika ne: kudi diba dipatukila too ne kudidi dibuelela bantu ba bisamba bionsu badi bannemeka. Miaba yonsu badi bangoshila musenga wa kamonya, badi bandambula milambu minkumbanyine. Bulelela, bisamba bia bende bidi binnemeka.

Dibadika 18:9

Ku milambu ya tshijila, bamane kuosha bitupa bidi bianyi, wewe ne ndelanganyi yebe, nenuangate milambu ya bia mu madimi bionsu bidibu bandambula, nyama ya kukobolola nayi bantu, ne nyama ya milambu ya dinua tshibalu.

Dibadika 28:5

Nundambule kabidi kilo ya bukula isatu, busambakaja ne mafuta litre umue ne tshitupa.

Dibadika 8:8

Pashishe bena Levi nebafile ngombe mulume pamue ne mulambu wa bukula, busambakaja ne mafuta. Kadi wewe newangate ngombe mulume mukuabu bua mulambu wa kubakobolola nawu.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

1 Yone 2:20

Kadi nuenu nuvua bapete Mueyelu wa Tshijila, uvua Kristu munupumuine. Ke panudi bonsu bamanye bulelela.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

Yuda 1:20

Kadi nuenu, hetu basuibue, shindamayi amu kushindama pa ditaba dienu dia tshijila tshipite. Nutendelele mu bukole bua Mueyelu wa Tshijila.

Didimanyisha 8:3

Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.