Lewitiki 19:7 - MUKANDA WA MYIDI MUKULU

⁷ Pikala muntu muudie kabidi dituku disatu, tshiena mua kumuambuluisha to. Bualu munyinyi mmumane kunyanguka, kabayi mua kukuata kabidi nawu mudimu wa tshijila to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Biatshidiabo dituku disatu, bualu ebu budi bubi, tshiena ngitabusha mulambu,

Lewitiki 19:7 교차 참조

Yeshaya 1:13

Kanuena mua kundambula kabidi milambu. Kayena indengelela to. Muinshi wa milambu yenu, ndi muubenge kashidi. Lekelayi masanka enu a ngondu mipiamipia, a matuku a Dikisha ne a bibilu binene. Tshiena muanyishe ditendelela didi ne buenzayi, dinudi nuntendelela, nuenza kabidi bubi.

Yeshaya 65:4

Badi basomba mu nkita, babuela mu mbuebue. Badi badia munyinyi wa ngulube, bateka mu malongu abu biakudia bidi ne mikiya.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Yirmeya 16:18

Ndi musue kubanyoka bikole bua malu mabi avuabu benze, ne bua tshilema tshiabu. Bualu mbanyange ditunga dianyi ne mpingu yabu indi mbenga idi bu bitalu. Bavua bateka mvidie ya dishima miaba yonsu mu ditunga dianyi.

Lewitiki 19:6

Nudi mua kudia munyinyi wa mulambu awu, dituku dinudi nulambula, ne didi dilonda. Kadi padiwu mushale too ne ku dituku disatu, nuwoshe mu kapia.

Lewitiki 19:8

Muntu udi muudie mmuena tshibawu, bualu mmunyange mulambu wanyi wa tshijila. Nebamuipate munkatshi mua bena Izrayele.

Lewitiki 22:23

Kadi tshimuna tshionsu, tshinene nansha tshikese, tshidi tshitebuke, nansha tshidi ne tshidimba tshishawuke, udi mua kutshindambula amu bua mulambu wa budisuile. Kadi kuena mua kutshilambula bu mulambu wa mapiku to.

Lewitiki 22:25

Muenyi kena mua kunupesha tshimuna tshia mupaku, bua nuenu kutshindambula meme Mvidi Mukulu wenu. Tshiena mua kuitaba mulambu awu to, bualu tshimuna tshia mupaku ntshifuanangane ne tshidi ne bulema. Nanku tshiena mua kuanyisha milambu yenu ya mushindu ewu to.”