Lewitiki 19:5 - MUKANDA WA MYIDI MUKULU

⁵ “Panudi nundambula mulambu wa bobumue, nulonde mudi mikenji yawu bua meme kuwanyisha.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hanualua ne mulambu wa kubisha nʼau ditalala kudi Yehowa, nûfile ne mutshima udiye mua kuitabusha.

Lewitiki 19:5 교차 참조

Lewitiki 22:29

“Panudi nundambula milambu, nuenda nuimba misambu, nuntumbisha, nuenze bionsu bilondeshile mikenji yanyi, bua nuenu kupeta diakalenga.

Lewitiki 7:16

“Padibu balambula Maweja-Nangila mulambu wa bobumue, bua mapiku nansha bua budisuile, munyinyi awu baudie dituku adi. Padiwu ushala, baudie baujikija patshiabu.

Lewitiki 22:19

padiye musue kupeta diakalenga kundi, andambule anu ngombe mulume, nansha mukoku wa tshimpanga, nansha mbuji wa mpumbu, kadi amu nyama udi kayi bulema.

Lewitiki 1:3

“Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Yezekiyele 46:12

“Padi mukalenga musue kufila mulambu wa budisuile kudi Maweja-Nangila, wa kuosha nansha wa bobumue, badi mua kumunzuluila tshiibi luseke ludi diba dipatukila lua nzubu wa Mvidi Mukulu. Udi ulambula milambu yende mushindu uvuaye muyilambule dituku dia Dikisha. Padiye upatuka, binjile tshiibi diakamue.

Yezekiyele 46:2

Mukalenga neatumine mu lubanza lua pa mbelu, ukosolola mu tshibambalu tshinene tshidi pabuipi ne mushiku wa mbelu. Diba didi batuangaji balambula milambu ya kuosha ne ya bobumue, neimane pabuipi ne tshiibi. Neiname menemene muaba awu. Pashishe neapatuke mu nzubu. Tshiibi etshi tshidi ne bua kushala buashi too ne ku dilolu.

2 Kulondolola 31:2

Izkiya uvua mulongolole tshiakabidi bisumbu bia batuangaji ne bia bena Levi. Uvua mupeshe muntu yonsu mudimu bilondeshile tshisumbu tshivuaye. Batuangaji ne bena Levi bavua ne bua kulambula milambu ya kuosha ne ya bobumue, bavua ne bua kulombola midimu ya kutendelela, ya kutumbisha Maweja-Nangila, ne ya kumutua makumbu.

Lewitiki 22:23

Kadi tshimuna tshionsu, tshinene nansha tshikese, tshidi tshitebuke, nansha tshidi ne tshidimba tshishawuke, udi mua kutshindambula amu bua mulambu wa budisuile. Kadi kuena mua kutshilambula bu mulambu wa mapiku to.

Lewitiki 22:21

Panudi nundambula mulambu wa bobumue, bua kukumbaja bualu bunuvua balaye, nansha bunuvua badisuile, nengitabe mulambu wa bimuna binene ne bikese. Kadi anu bidi kabiyi ne bulema.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Lewitiki 19:4

“Kanuena mua kutendelela mvidie ya dishima to. Kanuena mua kuengulula biamu bua kufula mpingu, kuyitendelela. Bualu Meme ndi Maweja-Nangila Mvidi Mukulu wenu.

Lewitiki 19:6

Nudi mua kudia munyinyi wa mulambu awu, dituku dinudi nulambula, ne didi dilonda. Kadi padiwu mushale too ne ku dituku disatu, nuwoshe mu kapia.

Lewitiki 7:18

Padi muntu kampande udia munyinyi wa ku mulambu awu dituku disatu, Maweja-Nangila kena mua kuanyisha to. Mulambu wende kawena ne mushinga, bualu munyinyi kautshiena muimpe kabidi bua kuenza nawu midimu ya tshijila. Yonsu udi udia munyinyi awu, mmuena tshibawu. Mmudikebele tshilumbu.