Lewitiki 13:6 - MUKANDA WA MYIDI MUKULU

⁶ Pashishe, dituku dia muanda mutekete, mutuangaji neakonkonone muntu awu tshiakabidi. Padiye usangana dikeji dienda dikepela, kadiyi ditampakane pambidi, mutuangaji neajadike ne: muntu awu uvua amu ne tshiuja. Mutuangaji neambe ne: muntu awu kena ne mikiya to. Nanku muntu awu neasukule amu bilamba biende bua kikadi ne mikiya.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Halua dituku dia muanda mutekete, muakuidi neamutangile kabidi, ne biamba disama kushika, bikaladi kadiyi ditampakana mu dikoba diandi, nunku muakuidi neambile bantu ne, Muntu eu udi muakane, disama edi didi bu tshilamulamu, muntu eu neuvuwe bilulu biandi, neikale mua kane.

Lewitiki 13:6 교차 참조

1 Bakalenga 8:38

padi bantu bebe, bena Izrayele, badiunwue ne: tudi benza bibi, banyingalala, padibu bakutendakena, batangila ku nzubu eku, bela bianza mulu bua kukutendelela,

1 Bakalenga 8:45

mu diulu muudi usomba, wikale mubateleje. Umvue mudibu bakulomba, bakusengelela. Nanku, ubambuluishe.

Misambu 19:12

Maweja-Nangila, ndi muena mudimu webe. Mikenji yebe idi imbela, kuyilonda nkupeta diakalenga.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

Muambi 7:20

Mulengele kabula kalema, udi ne kende kamulamata.

Yeshaya 42:3

Tshituuta tshitshibuke, kena utshikosa. Kapia katshifuima, kena mua kukajima. Kadi udi utuadila bantu bilenga bindi mubalongoluele.

Lewitiki 11:25

Padi muntu wambula nyama ayi mimane kufua, nansha yeye musukule bilamba biende, utshidi amu ne mikiya too ne ku dilolu.

Lewitiki 11:28

Muntu yonsu udi uyambula, padiyi mifue, nansha yeye musukule bilamba biende, utshidi anu ne mikiya too ne ku dilolu.

Lewitiki 11:40

Muntu udi udia munyinyi wa nyama awu, nansha yeye musukule bilamba biende, udi amu upia mikiya too ne ku dilolu. Muntu udi wambula nyama awu mufue, nansha yeye musukule bilamba biende, utshidi ne mikiya too ne ku dilolu.

Lewitiki 13:2

“Padi muntu ne tshiuja pambidi, nansha muaba muwule, nansha muikale ne dikeji ditoke, dimueneka bu disama dia nsudi, baye ne muntu awu kudi mutuangaji Arone, nansha kudi umue wa ku ndelanganyi yende.

Lewitiki 13:5

Nanku dituku dia muanda mutekete, mutuangaji neakenkete muntu awu kabidi. Padiye umona ne: disama didi amu muvuadi, kadiena ditampakane mubidi mujima, neateke kabidi muntu awu pa nkayende matuku muanda mutekete makuabu.

Lewitiki 13:7

Padi mutuangaji mumane kuteta muntu, mumusangane ne: kena ne mikiya, kadi pashishe dikeji didi dituadija kutampakana pambidi, muntu awu neapingane tshiakabidi kudi mutuangaji.

Lewitiki 14:8

Muena nsudi uvuabu bakobolola awu, asukule bilamba biende, akungule nsuki ne boya buonsu, wowe mayi adi umusha mikiya. Pashishe apingane mu mitanda. Kadi ashale matuku muanda mutekete kayi ubuela mu ntenta wende.

Rome 14:1

Nuakidile bimpe udi mutekete mu ditaba. Kanuedianganyi nende mpata, bua kupetula meji ende.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Dielulula 32:5

Kadi nuenu, bena Izrayele, nudi bantu babi, bapale. Nudi babenge Maweja-Nangila, batufuisha bundu. Kanutshiena bana bende kabidi to.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.