Lewitiki 13:44 - MUKANDA WA MYIDI MUKULU

⁴⁴ mutuangaji neambe ne: muntu awu mmupie mikiya, bualu disama dia nsudi ndimukuate ku mutu.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ yeye udi muena nsudi, kena muakane, muakuidi neambile bantu ne, Muntu eu kena muakane, udi ne disama dia nsudi ku mutu kuandi.

Lewitiki 13:44 교차 참조

Matayi 6:23

Kadi pikala mesu ebe kaayi amona bimpe, mubidi webe mujima udi mu midima. Nanku pikala butoke budi munda muebe buikale amu midima, newikale mu midima mikole be!

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yobe 36:14

Badi bafua ne buana buabu bonsu. Badi bajimina mu bubi batshikale bansongalume.

Lewitiki 13:43

Mutuangaji amukenkete. Padiye umona mputa mu dibala mukunzubile, mufuanangane ne wa disama dia nsudi,

Lewitiki 13:45

“Muntu yonsu udi ne disama dia nsudi, udi ne bua kuvuala bilamba bipandike. Kena mua kuasa tshifulu ku mutu to. Abuikile kuinshi kua mpala. Ele amu mbila ne: ‘Ndi mupie mikiya! Ndi mupie mikiya!’