Lewitiki 1:5 - MUKANDA WA MYIDI MUKULU

⁵ Akose ngombe awu muminu kumpala kua ntenta. Batuangaji, bana ba Arone, baye ne mashi a ngombe awu kudi Maweja-Nangila. Baamiamine ku nseke yonsu ya tshilambuilu tshidi ku mushiku wa mbelu wa ntenta.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Yeye neashihe muana wa ngombe ku mesu kua Yehowa, ne bana balume ba Alona bakuidi nebaye ne mashi, nebamiamine mashi ku tshioshelu tshidi ku mbelu kua ntenta wa kusangakena.

Lewitiki 1:5 교차 참조

2 Kulondolola 35:11

Bantu kukosa mitu ya bana ba mikoku ne ya bana ba mbuji. Bavua bapesha batuangaji mashi a nyama eyi. Batuangaji bavua bamiamina mashi awu ku tshilambuilu. Bena Levi kusaya nyama ayi kumusha biseba.

Ekesode 29:11

Pashishe, ushipe ngombe awu kumpala kuanyi meme Maweja-Nangila, pabuipi ne mushiku wa mbelu wa ntenta wa kusambakena.

Ekesode 29:16

wewe uukose mutu, usashile mashi ku nseke yonsu ya tshilambuilu.

Ekesode 40:6

Uteke tshilambuilu tshia milambu ya kuosha kumpala kua mushiku wa mbelu wa ntenta wa kusambakena.

Yeshaya 52:15

Kadi mpindiewu, bantu ba bungi ba mu matunga a bende, nebakeme bualu buende. Bakalenga nebakatshile, kabayi bamanye tshia kuamba. Bualu nebamone malu adi kaayi umvuangana ne avuabu babalondele. Nebumvue malu avuabu kabayi banji kumvua.”

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 43:18

Mvidi Mukulu kungambila ne: — Yezekiyele, teleja tshindi meme Maweja-Nangila nkutumina diyi. Ke mikenji eyi inudi ne bua kulonda diba dinudi basa tshilambuilu, bua boshilepu milambu, numiamineku mashi a nyama.

Lewitiki 1:11

Amukose muminu kumpala kua ntenta, luseke lua ku mutu kua tshilambuilu. Batuangaji bamiamine mashi awu ku nseke yonsu ya tshilambuilu.

Lewitiki 1:15

Mutuangaji aye ne nyunyi awu kumpala kua tshilambuilu. Amukose mutu, awoshe pa tshilambuilu. Pashishe, ele mashi ku nseke yonsu ya tshilambuilu.

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 17:11

Bualu muoyi wa tshintu udi mu mashi. Maweja-Nangila uvua munuambile bua kulambula mashi pa tshilambuilu bua amone mua kunufuila luse. Nanku mashi adi ambuluisha bua kujimija bubi, bualu adi apetesha muoyi.

Lewitiki 3:13

Ateke tshianza pa mutu wa mbuji awu, amukosele muminu kumpala kua ntenta wa kusambakena. Batuangaji bamiamine mashi a mbuji awu ku nseke yonsu ya tshilambuilu.

Lewitiki 3:2

ateke tshianza pa mutu pa ngombe awu, amukosele muminu mu mushiku wa mbelu wa ntenta wa kusambakena. Batuangaji, bana ba Arone, bamiamine mashi a ngombe awu ku nseke yonsu ya tshilambuilu.

Lewitiki 3:8

Ateke tshianza pa mutu pa mukoku awu. Aukose muminu kumpala kua ntenta wa kusambakena. Batuangaji bamiamine mashi a mukoku awu ku nseke yonsu ya tshilambuilu.

Lewitiki 4:29

Ateke tshianza pa mutu pa mbuji awu, amukosele muminu muaba udibu bashipela nyama ya milambu ya kuosha.

Lewitiki 4:33

Ateke tshianza pa mutu wa mukoku awu, aukosele muminu pa muaba udibu bashipela nyama ya milambu ya kuosha.

Lewitiki 4:7

Alabe kabidi mashi awu ku matumba adi matalame ku tshilambuilu tshia kuoshila manananshi, tshidi muaba wa tshijila. Pashishe mashi onsu adi ashala, mutuangaji ayitshikije kuinshi kua tshilambuilu tshia milambu ya kuosha tshidi ku mushiku wa mbelu wa ntenta.

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Dibadika 18:17

Kadi muanabute wa ngombe, wa mukoku, nansha wa mbuji, kubena mua kumupikula to, bualu nnyama ya tshijila. Nenuele mashi ayi ku tshilambuilu. Nenungoshile kabidi mafuta a nyama ayi bua nganyishe dipembu diawu dimpe.

Ebrewu 10:11

Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

1 Samuele 1:25

Kulambulabu ngombe awu. Pashishe kuyabu ne muana kudi mutuangaji Eli.