Lewitiki 1:4 - MUKANDA WA MYIDI MUKULU

⁴ Ateke tshianza pa mutu pa ngombe awu, bua Maweja-Nangila anyishe mulambu, afuile muntu awu luse.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye neatenteke tshianza tshiandi ha mutu ha ngombe wa mulambu ne Yehowa neawitabushe bua kubuikidila nʼau bubi buandi.

Lewitiki 1:4 교차 참조

Ekesode 28:38

Padi Arone wasa tshifulu atshi, pandi ntshimona, nengikale mfuila bena Izrayele luse nansha bobu batupakana padibu bantuadila milambu.

Ekesode 29:10

“Uye ne ngombe mulume, kumpala kua mushiku wa mbelu wa ntenta wa kusambakena. Arone ne bana bende ba balume bamutenteke bianza pa mutu.

Ekesode 29:15

“Wangate kabidi mukoku wa tshimpanga, Arone ne bana bende ba balume J batentekapu bianza,

Ekesode 29:19

“Wangate mukoku wa tshimpanga muibidi, Arone ne bana bende ba balume batenteka bianza pa mutu pawu kabidi.

Ekesode 29:33

Batuangaji nkayabu ke badi mua kudia bintu abi, bualu bivua bibajidila nabi, kabidi bibabanjija nabi bua kubakobolola. Nanku, muntu mukuabu kena mua kudia biakudia abi to, bualu mbia tshijila.

Yeshaya 56:7

nembabikidishe bua babande pa mukuna wanyi wa tshijila. Nembasankishe ne disanka dinene, mu nzubu wanyi wa kutendelela. Nenganyishe ne muoyi muimpe milambu mishilangane ikalabu bandambula pa tshilambuilu. Bualu nzubu wanyi, nebamuinyike ne: Muaba udi bantu ba mu matunga onsu batendelela.”

Yezekiyele 45:15

Pashishe, mu mpata ya bena Izrayele, pa mikoku nansha pa mbuji nkama ibidi, numushe tshimuna tshimue. Tshimuna atshi, nutshilambule bu mulambu wa bintu bia mu madimi, nansha bu mulambu wa kuosha, nansha bu mulambu wa bobumue, bua kupeta dijimija dia mibi yenu. Meme Maweja-Nangila Mvidi Mukulu, ndi ntuma diyi edi.

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Lewitiki 16:21

Atenteke bianza biende bibidi pa mutu pa mbuji awu, utonda pambidi pende mibi yonsu, buntomboji ne buenzayi bua bena Izrayele. Udi ubiumpuila mbuji awu. Pashishe badi basungula muntu udi ne bua kuipata mbuji awu, kumutuma mu tshipela.

Lewitiki 16:24

Arone aye muaba kampande wa tshijila, wowe mayi pambidi, avuale bilamba bikuabu. Pashishe apatuke, alambule Maweja-Nangila milambu ibidi ya kuosha, buende yeye ne bua bena Izrayele. Pashishe neadikobolole, akobolole ne bena Izrayele bonsu.

Lewitiki 22:21

Panudi nundambula mulambu wa bobumue, bua kukumbaja bualu bunuvua balaye, nansha bunuvua badisuile, nengitabe mulambu wa bimuna binene ne bikese. Kadi anu bidi kabiyi ne bulema.

Lewitiki 22:27

“Padi ngombe, mukoku nansha mbuji ulela, muana awu ashale kudi mamuende lumingu lujima. Kadi biangatshile ku dituku dia muanda mukulu, ndi nganyisha bua bamundambule bua mulambu wa kuosha.

Lewitiki 3:13

Ateke tshianza pa mutu wa mbuji awu, amukosele muminu kumpala kua ntenta wa kusambakena. Batuangaji bamiamine mashi a mbuji awu ku nseke yonsu ya tshilambuilu.

Lewitiki 3:2

ateke tshianza pa mutu pa ngombe awu, amukosele muminu mu mushiku wa mbelu wa ntenta wa kusambakena. Batuangaji, bana ba Arone, bamiamine mashi a ngombe awu ku nseke yonsu ya tshilambuilu.

Lewitiki 3:8

Ateke tshianza pa mutu pa mukoku awu. Aukose muminu kumpala kua ntenta wa kusambakena. Batuangaji bamiamine mashi a mukoku awu ku nseke yonsu ya tshilambuilu.

Lewitiki 4:15

Balombodi ba bena Izrayele bateke bianza pa mutu wa ngombe awu. Mulombodi umue amukosele muminu pa muaba awu kumpala kua Maweja-Nangila.

Lewitiki 4:20

Alambule Maweja-Nangila mulambu awu, anu mushindu uvuaye ulambula ngombe mulume bua kudikobolola. Nanku mutuangaji akobolole bena Izrayele anu mushindu ewu, bua Mvidi Mukulu abafuile luse.

Lewitiki 4:24

Ateke tshianza pa mutu wa mbuji awu, amukosele muminu kumpala kua Maweja-Nangila, muaba udibu bashipela nyama ya milambu ya kuosha. Mulambu awu mbua kukobolola mfumu wa bena Izrayele bua Mvidi Mukulu amufuile luse.

Lewitiki 4:26

Munyinyi wa mafuta onsu udi mushale, mutuangaji awoshe pa tshilambuilu, bu mudibu benza bua mulambu wa bobumue. Nanku mutuangaji akobolole mfumu wa bena Izrayele anu mushindu ewu bua Mvidi Mukulu amufuile luse.

Lewitiki 4:29

Ateke tshianza pa mutu pa mbuji awu, amukosele muminu muaba udibu bashipela nyama ya milambu ya kuosha.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 4:33

Ateke tshianza pa mutu wa mukoku awu, aukosele muminu pa muaba udibu bashipela nyama ya milambu ya kuosha.

Lewitiki 4:35

Bumushe munyinyi wa mafuta onsu, bu mudibu benza bua mukoku wa mulambu wa bobumue. Mutuangaji awoshe pa tshilambuilu pamue ne milambu mikuabu idibu boshila Maweja-Nangila. Mutuangaji akobolole muena tshibawu awu mushindu ewu bua Mvidi Mukulu amufuile luse.

Lewitiki 4:4

Aye ne ngombe awu muaba wa tshijila, mu mushiku wa mbelu wa ntenta wa kusambakena. Amuteke tshianza pa mutu, amukosele muminu muaba awu kumpala kua Maweja-Nangila.

Lewitiki 5:6

Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Lewitiki 6:7

“Bua kulambula mulambu wa bintu bia mu madimi, nuenze nunku: “Anu bana ba Arone ba balume ke badi mua kuela bintu abi mulu, kumpala kua tshilambuilu, kubinyukula bua kubilambula Maweja-Nangila.

Lewitiki 8:14

Pashishe kutualabu ngombe mulume bu mulambu wa kukobolola nawu bantu. Arone ne bana bende ba balume kutenteka bianza pa mutu pa ngombe awu.

Lewitiki 8:18

Pashishe kutualabu kabidi mukoku wa tshimpanga wa mulambu wa kuosha. Arone ne bana bende ba balume kutentekabu bianza pa mutu wa tshimpanga atshi.

Lewitiki 8:22

Pashishe kumutuadilabu tshimpanga tshikuabu bua kujidila batuangaji. Arone ne bana bende kutenteka bianza pa mutu wa tshimpanga atshi.

Lewitiki 9:7

Pashishe kuambilaye Arone ne: — Semena ku tshilambuilu, ulambule mulambu wa kudikobolola nawu, ne mulambu wa kuosha. Wenze bionsu bidi bikengela bua wewe kudikobolola, kukobolola ne bena Izrayele bonsu. Pashishe ulambule milambu ya bena Izrayele. Wenze kabidi ne bionsu bidi bikengela bua kukobolola bantu, bu muvua Maweja-Nangila muambe.

Dibadika 15:25

Nanku, mutuangaji neakobolole bena Izrayele bonsu basange ntete bu pa tshibidilu. Ke Maweja-Nangila kubafuila luse. Bualu bavua batupakane mu mpukapuka, bafila kabidi mulambu wa kuosha ne wa kubakobolola nawu.

Dibadika 15:28

Mutuangaji neakobolole muntu awu bua bamufuile luse.

Dibadika 25:13

Ndondu awu udi bualu buende ne bua ndelanganyi yende, udi ubenza batuangaji bua kashidi. Pinhase wandeji mudiye mundamate, meme Mvidi Mukulu wende, muende muonsu. Ke pandi mufuile bena Izrayele bonsu luse mu dina diende.

Dibadika 8:12

Bena Levi nebatenteke bianza pa mutu pa ngombe ibidi bua kuyindambula meme Maweja-Nangila, umue bua mulambu wa kubakobolola nawu, mukuabu bua mulambu wa kuosha.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 3:25

Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Ebrewu 10:4

Bualu mashi a ngombe milume ne a mbuji ya mpumbu kaena mua kujimija mibi.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.