Lewitiki 1:3 - MUKANDA WA MYIDI MUKULU

³ “Padiye ulambula ngombe bu mulambu wa kuosha, ngombe awu ikale anu mulume, kayi bulema. Aye nende mu mushiku wa mbelu wa ntenta wa kusambakena bua kulomba luse kudi Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³ Bikala mulambu wandi wa kuosha wa muana wa ngombe, neafile mulume udi kayi ne tshilema, neamushihele ku mbelu kua ntenta wa kusangakena, ne Yehowa neamuitabushe.

Lewitiki 1:3 교차 참조

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Genese 22:8

Abrahame kuandamuna muanende ne: — Muananyi, Mvidi Mukulu nkayende neatupe muana wa mukoku. Bonsu babidi kutungunuka ne luendu.

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

2 Kulondolola 29:32

Milambu yonsu ivuabu balambule Mvidi Mukuluivua nenku: bavua bafile ngombe milume makumi muanda mutekete, mikoku ya bimpanga lukama, ne bana ba mikoku nkama ibidi bu milambu ya kuosha.

2 Kulondolola 35:12

Kusungulabu nyama mikuabu, nangananga ngombe milume idi bena Izrayele ne bua kulambula Maweja-Nangila bu mulambu wa kuosha, bilondeshile meku abu, anu bu mudibu bafunde mu mukanda wa mikenji ya Moshe.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Ekesode 29:18

Woshe bintu bionsu abi, bua bikale mulambu wa kuosha wa dipembu dimpe udi unsankisha meme Maweja-Nangila.

Ekesode 29:4

“Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Ekesode 29:42

Nuikale nundambula mulambu wa mushindu ewu kashidi ne ndelanganyi yenu yonsu. Bandambule anu mu mushiku wa mbelu wa ntenta wa kusambakena muaba utuikala tumonangana nebe.

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Ekesode 35:21

Bantu ba muoyi muimpe kufila milambu yabu kudi Maweja-Nangila bua kuasa ntenta wa kusambakena, bua midimu ya kutendelela, ne bua kutela bilamba bia tshijila.

Ekesode 35:29

Bena Izrayele bonsu balume ne bakaji ba muoyi muimpe, kulambulabu bintu bia kuenza nabi mudimu uvua Maweja-Nangila muambile Moshe.

Ekesode 35:5

— Muntu yonsu afile mulambu bu mudiye musue. Milambu inudi mua kulambula Maweja-Nangila ikale ya mishindu mishilangane: ya tshiamu tshia mpawungi, ya tshiamu tshitoke tshia mushinga mukole, ne ya tshiamu tshikunze,

Ekesode 36:3

Kusangishabu bintu bionsu bivua bena Izrayele bafile kudi Moshe bua midimu ya mu muaba wa tshijila. Bena mudimu bonsu bamane kusangisha bintu bikumbane, bena Izrayele bavua anu bafika ne dinda dionsu bua kufila bintu bikuabu bu muvuabu basue.

Ekesode 38:1

Bua kulambula milambu, kuenzabu tshilambuilu tshia mitshi ya ndunga. Tshilambuilu atshi tshivua ne metre abidi ne desimetre itanu nseke yatshi yonsu. Butumbuke buvua metre umue ne desimetre itanu.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.

Yezekiyele 20:40

Nanku, bena Izrayele bonsu badi mu ditunga nebantendelele pa mukuna munene wa Izrayele, udibu bajidile mu dina dianyi. Muaba awu, nennuakidile bimpe; nennulombe bua nuntuadile bionsu binudi basue kundambula, nyama ne bintu bimpe bia pa madimi enu.

Yezekiyele 40:39

Ku tshimana tshia ku ndekelu kua tshibambalu tshinene, nseke yonsu ibidi, kuvua mesa abidi. Pa mesa apa bavua bakoselapu mitu ya nyama ivuabu balambula Maweja-Nangila bu milambu ya kuosha, nansha bu milambu mikuabu ya kudikobolola.

Lewitiki 1:10

“Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Lewitiki 14:10

“Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Lewitiki 16:7

Pashishe neangate mbuji ibidi ya mpumbu, ayimanyike kumpala kua Maweja-Nangila mu mushiku wa ntenta wa kusambakena.

Lewitiki 17:4

udi ne bua kufika ne nyama ayi ku mushiku wa ntenta wa kusambakena bua ayilambule Maweja-Nangila kumpala kua nzubu wende wa tshijila. Yeye kayi muenze nanku, mmuena tshibawu. Nenku nebamuipate mu bena Izrayele, bua mashi adiye mumatshishe panshi, kayi mulonde mikenji.

Lewitiki 17:8

“Diba didi muena Izrayele, nansha muenyi udi munkatshi mua bena Izrayele, musue kufila mulambu wa kuosha nansha mulambu mukuabu,

Lewitiki 17:9

udi ne bua kulambuila nyama awu ku mushiku wa ntenta wa kusambakena. Yeye kayi muenze nanku, nebamuipate mu bena Izrayele.

Lewitiki 23:12

Anu dituku adi, nenundambule kabidi mulambu wa kuosha wa muana wa mukoku wa tshidimu tshimue, udi kauyi ne bulema.

Lewitiki 23:18

Ku mulambu wa mampa abidi awu, nusakidileku kabidi ne bana ba mikoku muanda mutekete bakadi bakumbaje tshidimu tshimue, badi kabayi ne bulema, ne mikoku ya bimpanga ibidi ne ngombe mulume umue. Nundambule bintu abi bua mulambu wa kuosha, pamue ne mulambu wa bukula ne wa maluvu. Nenku meme nenganyishe dipembu dia mupuya wa milambu ayi.

Lewitiki 3:1

“Padi muena Izrayele ulambula ngombe bu mulambu wa bobumue, ngombe awu ikale mulume nansha mukaji, kayi bulema. Aye nende muaba wa tshijila,

Lewitiki 4:15

Balombodi ba bena Izrayele bateke bianza pa mutu wa ngombe awu. Mulombodi umue amukosele muminu pa muaba awu kumpala kua Maweja-Nangila.

Lewitiki 4:23

Padiye umanya bualu bubi buvuaye muenze abu, adikobolole, alambule Maweja-Nangila mbuji wa mpumbu udi kayi bulema.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Lewitiki 4:32

“Padi muena tshibawu awu musue kulambula Maweja-Nangila mukoku, asungule amu mukoku mukaji udi kauyi ne bulema, bua Mvidi Mukulu amufuile luse.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Lewitiki 5:18

Udi ne bua kuya ne mukoku wa tshimpanga kudi mutuangaji. Mukoku awu wikale kauyi ne bulema, kabidi mukumbane mushinga wa mulambu wa dinua tshibalu. Mutuangaji akobolole muena tshibawu awu anu mushindu ewu, bua Maweja-Nangila amufuile luse bua bubi buvuaye muenze kayi mumanye.

Lewitiki 6:2

— Ambila Arone ne bana bende ba balume ne: “Nungoshile milambu mushindu ewu: “Mulambu wa kuosha awu ushale pa tshilambuilu butuku bujima, kapia katema amu kutema kakayi kajima.

Lewitiki 6:8

Nanku mutuangaji ambule dianza dia bukula budibu basambakaje ne mafuta, ambule kabidi musenga wa kamonya onsu, abioshe bionsu pa tshilambuilu, bualu bintu ebi mmulambu wa tshivulukilu udi ne dipembu dimpe didi disankisha Maweja-Nangila.

Lewitiki 7:16

“Padibu balambula Maweja-Nangila mulambu wa bobumue, bua mapiku nansha bua budisuile, munyinyi awu baudie dituku adi. Padiwu ushala, baudie baujikija patshiabu.

Lewitiki 8:18

Pashishe kutualabu kabidi mukoku wa tshimpanga wa mulambu wa kuosha. Arone ne bana bende ba balume kutentekabu bianza pa mutu wa tshimpanga atshi.

Lewitiki 8:21

Kusukulaye bia munda ne bikonu mu mayi. Kubishaye ne munyinyi wa nyama uvua mushale pa tshilambuilu. Bualu mmulambu wa kuosha, udi ne dipembu dimpe didi disankisha Maweja-Nangila.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Zekâya 13:7

Maweja-Nangila wa bukole buonsu udi wamba ne: “Muele wa myita, utape mulami wa mikoku, utuvua tukuata nende mudimu; ushipe mulami wa mikoku, mikoku neitangalake, meme mene nenduishe bana bayi.”

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Dibadika 15:3

nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Dibadika 15:8

Pikala muntu musue kundambula ngombe bua mulambu wa kuosha nansha wa bobumue, nansha bua kukumbaja malaya, nansha bua mulambu wa tshibidilu,

Dibadika 19:2

— Nuambile bena Izrayele ne: nututuadile ngombe mukunze, udi kayi ne bulema, kabidi udibu kabayi banji kuenza nende mudimu.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Dibadika 23:27

Balake kuambila Balaame ne: — Ndi nya nebe kabidi muaba mukuabu. Misangu mikuabu, Mvidi Mukulu udi mua kuitaba, bua utshipe bena Izrayele muaba awu mu dina dianyi.

Dibadika 23:3

Balaame kuambila Balake ne: — Shala muimane pabuipi ne milambu yebe eyi. Meme ndi nya ku luseke. Misangu mikuabu Maweja-Nangila udi mua kummuenekela. Nenkuambile bionsu bikalaye mummanyishe. Balaame kuya muaba uvua kauyi bantu.

Dibadika 23:30

Balake kuenza bionsu abi. Pashishe kulambulaye ngombe mulume umue, ne mukoku wa tshimpanga umue pa tshilambuilu tshionsu.

Dibadika 28:11

“Dituku dia kumpala dia ngondu yonsu, nungoshile meme Maweja-Nangila ngombe milume ibidi, mukoku wa tshimpanga, ne bana ba mikoku muanda mutekete, badi bamane kukumbaja tshidimu tshijima. Bimuna bionsu abi, kabikadi ne bulema pambidi to.

Dibadika 28:19

Nungoshile ngombe milume ibidi, mukoku wa tshimpanga umue, ne bana ba mikoku muanda mutekete, badi bamane kukumbaja tshidimu tshijima, nyama ayi ishile. Bimuna bionsu abi, kabikadi ne bulema pambidi to.

Dibadika 28:31

Nuenu bamane kundambula milambu ya kuosha ya ku dituku dionsu ne ya bia mu madimi enu, nenusakidile milambu yonsu eyi ya nyama, idi kayiyi ne bulema pambidi, pamue ne milambu ya maluvu a mvinyo, inudi ne bua kusakidila kabidi.

Dibadika 29:13

Dituku dia kumpala dia tshibilu atshi, nungoshile ngombe milume dikumi ne isatu, mikoku ya tshimpanga ibidi, ne bana ba mikoku dikumi ne banayi, badi bamane kukumbaja tshidimu tshijima, bishile. Bimuma bionsu ebi kabikadi ne bulema pambidi to. Dipembu diayi nedinsankishe.

Dibadika 29:2

Dituku adi, nungoshile ngombe mulume umue, mukoku wa tshimpanga umue, ne bana ba mikoku muanda mutekete, badi bamane kukumbaja tshidimu tshijima. Bimuma ebi bionsu, kabikadi ne bulema to. Dipembu dimpe diabi nedinsankishe.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Yowanane 1:36

Umona Yezu upita, kuambaye ne: — Tangilayi Muana wa mukoku wa Mvidi Mukulu!

Yowanane 10:7

Yezu kuamba kabidi ne: — Ndi nnujadikila ne: meme ndi tshiibi tshia lupangu lua mikoku.

Yowanane 10:9

Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Dielulula 12:27

Pikala mulambu awu wa kuosha, nulambule munyinyi ne mashi pa tshilambuilu tshia Maweja-Nangila Mvidi Mukulu wenu. Kadi pikalawu wa bobumue, nuele mashi pa tshilambuilu tshia Maweja-Nangila, pashishe nudie munyinyi.

Dielulula 15:21

Pikala tshimuna tshimue tshia ku bimuna ebi tshitebuke, tshifua disu, nansha ne bulema bukuabu pambidi, kanuena mua kutshilambula Maweja-Nangila Mvidi Mukulu wenu to.

Dielulula 17:1

Tshimuna tshionsu tshidi ne bulema pambidi: ngombe, mukoku, nansha mbuji, kanuena mua kutshilambula Maweja-Nangila Mvidi Mukulu wenu to. Bualu mulambu awu kawena umulengelela to, udi umubipila.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.