Lewitiki 1:2 - MUKANDA WA MYIDI MUKULU

² amanyishe bena Izrayele ne: “Padi muena Izrayele ulambula Maweja-Nangila mulambu wa nyama, asungule ngombe, mukoku nansha mbuji.

Mukanda wa Nzambi Dihungila Dikulukulu ne Dihungila Dihia-dihia 2003

² Wambile Bena Isalele ne, Halua muntu ne bintu bidiye musue kuoshila Nzambi, alue biandi ne mulambu wa muana wa ngombe anyi muana wa mukoko.

Lewitiki 1:2 교차 참조

Genese 4:3

Matuku a kunowa akumbana, Kayine kulambula Maweja-Nangila biakudia bia mu madimi ende.

Genese 4:5

kubenga ya Kayine. Nanku, Kayine kupeta tshiji tshikole, kufika munda.

1 Kulondolola 16:29

Luayi, samunayi Maweja-Nangila. Tualayi milambu, nuye kumpala kuende. Mutuilayi binu, nudiele panshi, padiye uleja mudiye wa tshijila.

Ezela 3:5

Bituadija tshikondu atshi, bavua balambula milambu ya ku dituku ku dituku, kabidi ne milambu mikuabu idibu bafunde bua kulambula dituku dia kumpala dia ngondu yonsu, ne matuku a bibilu bia Maweja-Nangila, kabidi ne milambu mikuabu ya budisuile idi bantu bakadila Maweja-Nangila.

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Dibadika 15:3

nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Dibadika 5:15

neafikishe mukajende kudi mutuangaji. Neafile kabidi mulambu wa kilo isatu ya bukula bua orje. Kadi kena mua kuelamu mafuta nansha kutekamu musenga wa kamonya to, bualu mmulambu wa bualu budibu babanda nabu mukaji, kabayi bajadike.

Marke 7:11

Kadi nuenu, nudi nulongesha bantu ne: Padi muntu wambila tatuende nansha mamuende ne: “Bintu bimvua mua kukuambuluisha nabi, bidi Korbane,” (mmomumue ne: “Ndi mubilamine bua kulambula Mvidi Mukulu,”)

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 12:6

Tudi ne mapa mashilangane. Tukuate nawu mudimu, bilondeshile bivua Mvidi Mukulu mupeshe muntu yonsu amu patupu ku luse luende. Padi muntu wa kutudi ne dipa dia kuambila bantu malu adi Mvidi Mukulu umumanyisha, udi ne bua kuenza nanku, bilondeshile ditaba didiye nadi.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.