Kolose 2:23 - MUKANDA WA MYIDI MUKULU

²³ Bushuwa mikenji eyi ya kutendelela batumibue, ya kudipuekesha, ya kukengehsa mubidi, idi imueneka bu ya meji. Kadi kayena ne mushinga nansha mukese, bualu idi isankisha amu bumuntu buetu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Bulelela, malu â adi ne tshileshilu tshia meshi mu ditendelela dia ku disua dia bantu, ne mu kudihuekesha ne mu kudikengesha kua mubidi; kadi kêna ne buimpe bua kukanda disankisha dia mubidi.

Kolose 2:23 교차 참조

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Efeze 5:29

Bualu muntu kena mua kukina mubidi wende. Kadi udi uudisha, uulama bimpe. Ke mudi Kristu wenzela Tshisumbu tshia bena ditaba,

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

Kolose 2:22

Mikenji eyi idi bua bintu bidi bijimina, padi bantu bamane kukuata nabi mudimu. Amu bantu ke badi bayela, bayilongesha.

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

1 Timote 4:3

Bantu abu badi balongesha ne: kusela nkubi; biakudia bikuabu kanuena mua kubidia. Kadi Mvidi Mukulu mmufuke biakudia abi, bua bena ditaba, badi bamanye bulelela, babidie, bamane kutendelela bua kumuela tusakidila.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.