Kolose 1:14 - MUKANDA WA MYIDI MUKULU

¹⁴ Muanende ke udi mutupikule, mutujimijile mibi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ utudi ne kuhikudibua kuetu munda muandi, nkujimisha kua mibi yetu.

Kolose 1:14 교차 참조

Misambu 130:4

Wewe udi ne luse, ke padi bantu bakunemeka.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Luke 5:20

Yezu umona ditaba dia bantu abu, kuambilaye mubeedi ne: — Muanetu, mibi yebe mmimane kujimina.

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Kolose 2:13

Ku kale nuvua bafue, bualu kabavua banuteke panshi, momumue ne: nuvua badine mu bubi. Kadi mpindiewu Mvidi Mukulu mmunubishe pamue ne Kristu. mMutujimijile mibi yetu yonsu.

Kolose 3:13

Nulengululangane bilema, nufuilangane luse. Misangu yonsu idi muntu tshilumbu ne mukuabu, nulekelangane bilema, muvua Kristu munulekelebi.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 9:12

Pavua Kristu mubuele muaba wa tshijila menemene musangu umue bua kashidi, kavua mulambule mashi a mbuji ya mpumbu, nansha a bana ba ngombe. Uvua mulambule mashi ende nkayende, mutupetele lupandu lua tshiendelele.

Ebrewu 9:22

Bu mudi mikenji yamba, badi bumusha mikiya ku bintu bu bionsu amu ne mashi. Badi bajimija mibi amu padi mashi amata panshi.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

1 Yone 2:12

Bana banyi, ndi nnufundila, bualu mbanujimijile mibi yenu mu dina dia Kristu.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.