Genese 9:26 - MUKANDA WA MYIDI MUKULU

²⁶ Kuambaye kabidi ne: “Bantu batumbishe Maweja-Nangila, Mvidi Mukulu wa Sheme! Kenaane ashale mupika wa Sheme!

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Yeye wakamba kabidi ne, Yehowa, Nzambi wa Sheme, atumbishibue, Kanana neikale muhika wandi.

Genese 9:26 교차 참조

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Genese 27:37

Izake kuandamuna Esawu ne: — Yakobe mmumane kushala mfumuebe. Bana benu bonsu nebikale bapika bende. Kabidi nkadi mumane kumupesha ntete ya kuenza bukula ne ya maluvu. Tshiena ne tshindi mua kukuenzela kabidi mpindiewu, muananyi.

Genese 27:40

Neupete biakudia, amu wewe muluangana mvita, newikale mupika wa muakunyebe Yakobe. Kadi neudipikule amu nkayebe. Neutshibule mutshi wa mujuwu, uvuaye mukuambuishe ku bukole, neuwumushe pa nshingu.”

1 Bakalenga 9:21

Bisamba ebi bivua bishala mu ditunga, bualu bena Izrayele bavua benza muabu muonsu bua kubabutula bapange. Nanku, bobu ke bavua Shelomu wenzeja midimu. Batshidi bapika ba bena Izrayele too ne mpindiewu.

Misambu 144:15

Tshisa tshidi ne bintu ebi, tshikale ne disanka! Tshisa tshidi tshitangila Maweja-Nangila bu Mvidi Mukulu watshi, tshikale ne disanka!

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Dielulula 33:26

Pashishe Moshe kuamba ne: “Nuenu bena Yeshurune, numanye ne: kakuena mvidie udi ufuana Mvidi Mukulu wenu. Udi upitshila mu diulu, upueka, wenda pa mavuba, anu bua kuvua kunuambuluisha.

Ebrewu 11:16

Kadi batata bajinga ditunga ditambe buimpe, mbuena kuamba ne: ditunga dia mu diulu. Ke padi Mvidi Mukulu kayi umvua bundu padibu bamubikila ne: mMvidi Mukulu wetu, bualu mmubalongoluele tshimenga.

Yoshua 9:23

Mpindiewu nudi bena diakabi: nenushale bonsu bapika kashidi. Nenukose nkunyi, nusuna ne mayi bua nzubu wa Mvidi Mukulu wanyi.

Balombodi 1:28

Nansha diba divua bena Izrayele bamane kupeta buloba bua bungi, kupangilabu mua kuipata bena mu bimenga ebi. Kadi bena Izrayele bavua babenzeja midimu mishilangane.