Genese 9:2 - MUKANDA WA MYIDI MUKULU

² Nyama yonsu ya pa buloba ne nyunyi idi ibuka mulu, ne minyinyi ya mu mayi neyinutshine bikole ikuatshika buowa. Bionsu abi mbintu bienu bindi munupe.

Mukanda wa Nzambi Dihungila Dikulukulu ne Dihungila Dihia-dihia 2003

² Ditshina ne buowa nebikale kudi nyama yonso ne kudi nyunyu yonso ya mulu ne kudi tshintu tshionso tshidi tshidikoka hanshi ne kudi minyinyi ya mu mai manene bua bualu buenu, nakafila bintu bionso mu bianza bienu.

Genese 9:2 교차 참조

Genese 1:21

Mvidi Mukulu kufuka minyinyi minene ne mikese idi yenda mu mayi ya mishindu ne mishindu, ne nyunyi yonsu idi ibuka mulu ya mishindu mishilangane. Kumonaye ne bionsu bidi bimpe.

Genese 1:26

Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Genese 1:28

Kubelaye lupemba, wamba ne: “Tantayi, nulelangane, nuvulangane buloba bujima. Nubukokeshe, nuikale bamfumu ba minyinyi ya mu mayi, nyunyi ya mulu, bimuna, bilandadi ne bionsu bidi pa buloba.”

Genese 2:19

Maweja-Nangila Mvidi Mukulu kuangata dima, kuenza nadi nyama yonsu ya pa buloba ne nyunyi yonsu ya mulu. Kuyifilaye kudi muntu bua amone mudi muntu uyinyika mena. Nyama yonsu uvua witaba dina divua muntu umuinyika.

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

Genese 9:1

Mvidi Mukulu kuela Nowa ne bana bende lupemba wamba ne: “Tantayi, nuvu-langane buloba bujima.

Genese 9:3

Nanku, bu mumvua munupe bisekiseki bua nuenu kudia, ke mundi munupe kabidi nyama yonsu ikale biakudia bienu.

Yobe 39:11

Bu mudiye ne bukole buvule, udi mua kutekemena kudiye, bua akuenzele midimu yebe yonsu minene anyi?

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Osheya 2:18

Maweja-Nangila udi wamba ne: Dituku adi neambikile ne: “Bayanyi.” Kakumbikila kabidi ne: “Baale wanyi”, mmumue ne: “Mfumuanyi”.

Lewitiki 26:22

Nentume nyama ya tshisuku, ishipe bana benu, ibutule bimuna bienu. Nenubutuke, mu njila yenu mushale anu mutupu.

Lewitiki 26:6

Nembueje ditalala mu ditunga dienu, nenulale tulu mu nzubu, batalaja mioyi. Nembutule nyama ya lonji idimu. Baluishi kabakunubunda kabidi to.

Yakobe 3:7

Muntu mmupete mushindu wa kutekesha nyama yonsu ya lonji, nyunyi, bilandadi, ne minyinyi ya mu mayi.