Genese 7:23 - MUKANDA WA MYIDI MUKULU

²³ Ke muvua Maweja-Nangila mubutule bionsu bivua ne muoyi pa buloba, kutuadija ku bantu ne ku bimuna, ku nyama minene ne mikese, ne ku nyunyi idi ibuka mulu. Bionsu kubutukabi. Anu Nowa ne bantu bavuaye nabu mu buatu kushala ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Wakajimisha tshintu tshionso tshiakadi ne muoyo ha buloba, ne bantu ne bimuna ne bintu bidi bidikoka hanshi ne nyunyu ya mulu, bintu bionso biakajimina ha buloba, anu Noa ne bantu ne bintu biakadiye nʼabi mu buatu biakashala.

Genese 7:23 교차 참조

Genese 6:17

Meme nenguwuje buloba ne mayi a tshipupu, bua kubutula bionsu bidi ne muoyi pa buloba. Tshintu tshionsu tshidi ne muoyi pa buloba netshifue.

Genese 8:18

Nowa kupatuka mu buatu ne mukajende, ne bana bende ba balume ne bakaji babu.

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Misambu 91:7

Bulelela nansha bipupu ebi bishipa bantu tshinunu pa buipi nebe, nansha bishipa binunu dikumi ku dia balume diebe, bualu nansha bumue kabuena bukuenzekela.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

1 Petro 3:20

Ke bantu bavua babenge kutumikila Mvidi Mukulu ku kale. Mvidi Mukulu uvua windila ne lutuulu, mu tshikondu tshivua Nowa muenze buatu. Bantu bakese, bonsu basanga amu muanda mukulu, ke bavua babuele mu buatu, bapandile ku mayi.

2 Petro 2:5

Bantu ba kale, Mvidi Mukulu kavuamubafuile luse. Wakalokeshila benji ba malu mabi aba mvula wa tshipupu. Kusungidilaye amu bantu muanda mukulu. Ke Nowa uvua ulongesha malu mimpe, kabidi ne bantu bakuabu muanda mutekete.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

2 Petro 3:6

Kabidi ku mayi a mvula wa tshipupu, ke kuvuabu babutule buloba bua kumpala abu.