Genese 6:7 - MUKANDA WA MYIDI MUKULU

⁷ Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

Genese 6:7 교차 참조

Genese 6:6

Nanku Maweja-Nangila kunyingalala bua muntu uvuaye mufuke, muteke pa buloba.

Genese 7:21

Nanku bionsu bivua ne muoyi pa buloba kufuabi: nyunyi, bimuna, nyama ya muitu, bilandadi ne bantu kabidi.

Genese 7:4

Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Misambu 37:20

Eyowa, bantu babi nebabutuke, bakinyi ba Maweja-Nangila nebuume lukasa bu bilongu mu mpata, nebajimine, nebajimine lubilu bu muinshi wa kapia.

Nsumuinu 10:27

Badi batshina Maweja-Nangila badi balala matuku mavule pa buloba, kadi benji ba malu mabi badi badianza kufua lukasa.

Nsumuinu 16:4

Tshintu tshionsu tshidi Maweja-Nangila muenze, tshidi ne kipatshila katshi; nanku wakalongoluela muntu mubi dituku dia dimunyoka.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Amosa 7:3

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Amosa 7:6

Ke Maweja-Nangila kubafuila luse, wamba ne: “Mbimpe, biudi mumone kabiakuenzeka nansha!”

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Sefanya 1:2

Maweja-Nangila udi wamba ne: “Nembutule tshintu tshionsu tshidi ne muoyi pa buloba.

Sefanya 1:3

Nenshipe bantu, nyama, nyunyi ne mishipa. Nembutule bantu babi, ne bionsu bidi bibalenduisha. Tshiena nshiya muntu nansha umue ne muoyi pa buloba.”

Dielulula 28:63

Bu muvua Maweja-Nangila musanke bua kunuenzela bimpe, nuenu kusangana, ke muasankaye kabidi bua kununyoka, kunufikila munda, kunubutula. Neanumushe mu ditunga divuaye munupe bua kusomba.

Dielulula 29:20

Maweja-Nangila neamupeteshe diakabi, amumushe munkatshi mua bena Izrayele, bilondeshile manyoka adibu bafunde mu mukanda wa mikenji ya ndondu ewu.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.