Genese 6:6 - MUKANDA WA MYIDI MUKULU

⁶ Nanku Maweja-Nangila kunyingalala bua muntu uvuaye mufuke, muteke pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mutshima wa Yehowa wakanyingalala bualu bua yeye wakafuka bantu ha buloba, kanyinganyinga kakadi mu mutshima wandi.

Genese 6:6 교차 참조

Genese 6:7

Kubungamaye wamba ne: “Nembutule muntu undi mufuke pa buloba. Nembutule kabidi nyama yonsu minene ne mikese too ne nyunyi yonsu idi ibuka mulu, bualu ndi ne kanyinganyinga bua pandi mubifuke.”

2 Samuele 24:16

Mutumibue wa Maweja-Nangila kuolola tshianza mu tshimenga tshia Yerushalayime bua kutumamu tshipupu. Kadi Maweja-Nangila kubenga. Kuambilaye mutumibue uvua ubutula bantu ne: — Kuajiki, puekesha tshianza! Diba adi, mutumibue wa Maweja-Nangila uvua pabuipi ne muaba uvua Aravna, muena Yebusa, ushipula ntete ya kuenza bukula.

1 Kulondolola 21:15

Pashishe Maweja-Nangila kutuma mutumibue wende mu Yerushalayime bua kubutula kabidi tshimenga. Kadi Maweja-Nangila umona muvua mutumibue ubutula bantu, kubengaye bua mutumibue katungunuki. Kuambilaye mutumibue ne: — Mbimane kukumbana, puekesha tshianza! Diba adi, mutumibue wa Maweja-Nangila uvua pabuipi ne muaba uvua Omane, muena Yebusa, ushipula ntete ya kuenza bukula.

Misambu 106:45

Kuvulukaye ndondu wende bu mudiye ne luse, kukudimunaye meji ende.

Misambu 110:4

Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

Misambu 119:158

Muoyi udi unsama pandi mmona bantu babi, bualu kabena balama malongesha ebe.

Misambu 78:40

Mmisangu bungi munyi kuabu bamutombokele mu tshipela! Mmisangu bungi munyi kuabu bamunyingalaje mu muaba awu uvua kauyi mayi!

Misambu 81:13

Nenku, meme kubalekela mu tshitunu tshiabu, bua benze tshidibu basue.

Misambu 95:10

Bantu ba mu tshikondu atshi kuntonda, bidimu makumi anayi, meme kuela meji ne: Bantu aba mbatomboke, kabena bamanye tshimvua ntekemena kudibu.

Ekesode 32:14

Maweja-Nangila kufuila bena Izrayele luse, kena mubenzele bionsu bivuaye mubakanyine to.

Yeshaya 48:18

Eyi! bu wewe munteleje bimpe, bu wewe mukumbaje tshimvua mukutumine diyi! Nanku musulu wa diakalenga uvua mua kukupuekela. Lupandu luvua mua kufika kuudi, bungi bu mavuala a mayi manene!

Yeshaya 63:10

Kadi bavua bamutombokela, bavua banyingalaja Mueyelu wende wa Tshijila. Nanku Maweja-Nangila kudienza muluishi wabu, kubanga kuluangana nabu mvita.

Yirmeya 18:7

Musangu mukuabu ndi musue kubutula, kunyanga, nansha kushimbula ditunga anyi tshisamba.

Yirmeya 26:19

Kadi mukalenga Izkiya ne bantu ba mu Yuda bavua bashipeshe muambi Mika anyi? Too. Kadi bavua amu bamanye ne: Maweja-Nangila ke udi wakula. Nanku bavua bakeba kutalaja tshiji tshiende. Diba adi, Maweja-Nangila kavua mubatumine dikenga divuaye muambe. Kadi mpindiewu, tuetu bashipe muntu ewu, netudikebele makenga makole.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Yowele 2:13

Pandayi mioyi yenu, kanupandi bilamba.” Eyowa, nupingane kudi Maweja-Nangila Mvidi Mukulu wenu. Udi ununanga, unufuila luse, udi ne lutulu lua bungi, udi wenzela bantu bimpe kayi upungila, ujinga amu kulengulula bivuaye ukanyina nabi bantu.

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Malaki 3:6

“Meme Maweja-Nangila tshiena nkudimuka. Kadi nuenu kabidi nudi basue kushala kashidi ndelanganyi menemene ya Yakobe.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Dielulula 5:29

Kadi bobu balame kashidi muoyi wa kunnemeka, ne wa kukumbaja mikenji yanyi, nebikale bena diakalenga, pamue ne ndelanganyi yabu.

Ebrewu 3:10

Ke pamvua mubafikile munda. Ke meme kuamba ne: ‘Matuku onsu, meji abu adi aya kua patupu. Kabena bajingulule tshindi mutekemene kudibu.’

Ebrewu 3:17

Bavua Mvidi Mukulu mufikile munda bidimu makumi anayi mbanganyi? Ke bonsu bavua benze bibi. Kufuabu mu tshipeta.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

1 Samuele 15:11

— Ndi ne kanyinganyinga bua Shawule undi musungule bua kuikalaye mukalenga. Shawule mmumbenge. Kena utumikila mikenji yanyi to. Bualu abu kutonda Samuwele bikole. Kutendelelaye Maweja-Nangila butuku bujima.

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.

1 Samuele 15:35

Biangatshile diba adi, matuku onsu avua Samuwele ne muoyi, kena mumonangane kabidi ne Shawule to. Samuwele uvua ne kanyinganyinga kakole bualu bua Shawule. Maweja-Nangila uvua unyingalala bua pavuaye musungule Shawule mukalenga wa bena Izrayele.