Genese 48:7 - MUKANDA WA MYIDI MUKULU

⁷ Bualu pamvua ngumukila ku Mezopotamiya, mamuebe Rakele kufuila mu njila, muaba umvua mu ditunga dia Kenaane, tshiyi muanji kufika mu musoku wa Efrata. Meme kumujika muine amu ku mpenga kua njila (Efrata ke musoku udibu babikila mpindiewu ne: Betleyeme).

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hanakadi nfuma ku Padana, Lakele wakafua mu nshila wa ku buloba bua Kanâna diambedi katuyi banze kufika ku Efelata, nakamujika kuakua mu njila wa ku Efelata (eu udi Beteleheme).

Genese 48:7 교차 참조

Genese 25:20

Izake mumane kukumbaja bidimu makumi anayi, kuselaye Rebeka, muana wa Betuyele, muena Arame, mufumine ku tshitupa tshia Mezopotamiya tshia ku mutu kua misulu. Rebeka uvua ne muanabu wa balume, dina diende Labane.

Genese 33:18

Yakobe ufumina ku tshitupa tshia Mezopotamiya tshia ku mutu kua misulu, kufikaye anu bimpe mu ditunga dia Kenaane mu tshimenga tshia Shekeme. Kuasaye mitanda pabuipi ne tshimenga atshi.

Genese 35:20

Yakobe kuimanyika dibue pa lukita luende alu. Dibue adi too ne lelu, batshidi badibikila ne: “Dibue dia pa lukita lua Rakele.”

Genese 35:9

Yakobe ufuma ku Mezopotamiya, Mvidi Mukulu kumumuenekela tshiakabidi, kumuela lupemba.

Genese 48:6

Kadi, bana bakuabu baudi mulele, balondangane ne babidi aba, nebikale bebe wewe. Nebapete bintu bia bumpianyi anu mu buloba bua Efrayime ne Menashe.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Matayi 2:18

“Bantu kumvua mbila mikole, miyenga ne miadi, ku Rama. Rakele ke udi udila bana bende, kena musue bua bamusambe, bualu bana bende kabatshienaku.”

Rute 1:2

Muntu awu uvua Elimeleke, mukajende uvua Nowemi. Bana bende ba balume babidi, bawa Malone ne Kiliyone. Bawa bena mu tshisamba tshia Efrata. Bobu bamane kuasa mu ditunga dia Mowabe,

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.

1 Samuele 10:2

Mpindiewu netushiyangane nebe. Kadi pawafika ku Selsa, mu buloba bua bena Binyamine, neusambakene ne bantu balume babidi, pabuipi ne lukita lua Rakele. Nebakuambile ne: “Nyama ya mpunde iuvua ukeba, mbamane kuyimona. Tatuebe katshiena ukeba nyama to, ukadi ukukeba amu wewe. Udi ukeba mushindu wa kukumona wewe muanende wa balume.”

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.