Genese 48:5 - MUKANDA WA MYIDI MUKULU

⁵ Yakobe kuamba kabidi ne: — Mpindiewu, ndi ngangata Efrayime ne Menashe, bana bebe baudi mulele, meme tshiyi muanji kufika mu Ejipitu, bua bikale bana banyi meme, amu bu Rubene ne Shimeyone.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bana babidi bakakulelelabo mu Ejipitu diambedi tshiyi muanze kulua mu Ejipitu mbana banyi, Efelayima ne Manashe badi banyi bu Lubena ne Shimeona.

Genese 48:5 교차 참조

Genese 46:20

Pavua Yozefe mu Ejipitu, mukajende Asnate, muana wa Potifera, mutuangaji wa mu tshimenga tshia One, uvua mulele bana ba balume babidi: Menashe ne Efrayime.

Genese 48:1

Malu onsu aa mamane kujika, kumanyishabu Yozefe bua disama dia tatuende. Yozefe kuangata bana bende ba balume babidi: Efrayime ne Menashe, kuya nabu.

Genese 48:6

Kadi, bana bakuabu baudi mulele, balondangane ne babidi aba, nebikale bebe wewe. Nebapete bintu bia bumpianyi anu mu buloba bua Efrayime ne Menashe.

Misambu 77:16

Uvua mupikule bantu bebe ku bukole buebe, ndelanganyi ya Yakobe ne ya Yozefe.

Yeshaya 43:1

Izrayele, mpindiewu Maweja-Nangila udi wakula! Yeye ke mufuki webe. Yeye uvua mukufumbe wewe, tshisamba tshia Yakobe. Udi ukuambila ne: “Kutshinyi, bualu nenkusungidile! Ndi mukubikile, mutele dina diebe! Udi muntu wanyi meme!

Yezekiyele 16:8

Meme kupitshila pabuipi nebe tshiakabidi. Mvua mumone ne: ukavua mukumbaje bidimu bia kukubangila. Nanku, meme kukubikila ne tshinkutu tshianyi bua kujika butaka buebe. Meme kukulaya ne: nenshale webe ne muoyi umue. Meme kutua nebe ndondu. Ke mumua mushale wanyi meme. Meme Maweja-Nangila Mvidi Mukulu, ndi njadika bualu ebu.

Yezekiyele 47:13

Maweja-Nangila Mvidi Mukulu udi wamba ne: “Ndi nnuleja mikalu ya ditunga, didi bisamba dikumi ne bibidi bia bena Izrayele mua kuabanyangana. Tshisamba tshia Yozefe netshipete bitupa bibidi bia ditunga.

Lewitiki 20:26

“Nuikale bantu ba tshijila, badi bajidila mua kungenzela mudimu, bualu meme Maweja-Nangila ndi wa tshijila. Ndi munusungule munkatshi mua bisamba bikuabu, bua nuikale bantu banyi meme.

Malaki 3:17

Pashishe Maweja-Nangila wa bukole buonsu kuamba ne: — Dituku dindi ndeja bukole buanyi, bantu aba nebikale bantu banyi. Nembafuile luse, bu mudi tatu ufuila muanende udi umuenzela mudimu luse.

Dibadika 1:10

mu tshia Efrayime, muana wa Yozefe: Elishama, muana wa Amikude; mu tshia Menashe, muana wa Yozefe: Ngameliyele, muana wa Pedashure;

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Efeze 1:5

uvua mudianze kujadika nkayende bua kutuenza bana bende mu Yezu Kristu. Ke tshivuaye musue, kabidi ke bivua bimulengelela.

Ebrewu 11:21

Amu bua ditaba, Yakobe utata muele bana bonsu babidi ba Yozefe lupemba pavuaye upunga ne lufu. Utata mueyemene ku lusongu lua dikombu diende, utendelela Mvidi Mukulu.

Yoshua 13:7

Nanku matunga awu udi ne bua kuabanyina bisamba tshitema bia bena Izrayele, ne tshia bibidi tshimue tshia tshisamba tshia bena Menashe, bidi kabiyi bianji kupeta muaba wa kuasa.

Yoshua 14:4

Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.