Genese 48:14 - MUKANDA WA MYIDI MUKULU

¹⁴ Kadi, Yakobe kupindakaja bianza, kuteka tshianza tshia balume pa mutu pa Efrayime, muana wa mukala, tshia bakaji pa mutu pa Menashe muanabute.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Isalele wakolola tshianza tshiandi tshia balume, wakatshitentekasha ha mutu ha Efelayima, wakadi muanʼa mukala wakatentekasha tshianza tshiandi tshia bakashi ha mutu ha Manashe wakashintakasha bianza biandi bu muakasueye, bualu bua Manashe wakadi muanʼa bute

Genese 48:14 교차 참조

Genese 41:51

Yozefe kuinyika muanende muanabute ne: Menashe, wamba ne: “Mvidi Mukulu mmumpe tshipua muoyi bua makenga anyi, ne bua dishiyangana dianyi ne bena kuetu.”

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Genese 46:20

Pavua Yozefe mu Ejipitu, mukajende Asnate, muana wa Potifera, mutuangaji wa mu tshimenga tshia One, uvua mulele bana ba balume babidi: Menashe ne Efrayime.

Genese 48:13

Yozefe kuimanyika bana: Efrayime ku tshianza tshia bakaji tshia Yakobe, Menashe ku tshia balume. Kubasemejaye tshiakabidi kudi Yakobe, kakuabu.

Genese 48:17

Yozefe umona tatuende muteke tshianza tshia balume pa mutu pa Efrayime, kavua ne disanka to. Kumushaye tshianza tshia tatuende pa mutu pa Efrayime, bua kutshiteka pa mutu pa Menashe muanabute.

Genese 48:18

Yozefe kuambila tatuende ne: — Tatu, lekela kuenza nanku. Teka tshianza tshia balume amu pa mutu pa Menashe muanabute.

Misambu 110:1

Musambu wa mu mukanda wa misambu ya Davide. Maweja-Nangila Mvidi Mukulu udi wambila mukalenga wanyi ne: “Somba ku dianyi dia balume, too ne pandi ngenza baluishi bebe tshidiatshilu tshia makasa ebe.

Misambu 118:16

Diboku dia Maweja-Nangila didi ne bukole, diboku dia Maweja-Nangila nditshimune.”

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Dibadika 2:18

“Bantu badi ku diyi dia tshisamba tshia Efrayime nebase mitanda yabu ku tshisumbu ku tshisumbu, luseke ludi diba dibuelela, muaba udi dibendela diabu. Bantu badibu babadike bua benze mudimu mu bisumbu bia tshiluilu, nebabalombole kudi mfumu wa tshisamba tshiabu: Mfumu wa bena Efrayime: ke Elishama, muana wa Amikude, ne bantu bende 40.500; Mfumu wa bena Menashe: ke Ngameliyele, muana wa Pedashure, ne bantu bende 32.200; Mfumu wa bena Binyamine: ke Abidane, muana wa Ngideyoni, ne bantu bende 35.400.

Dibadika 8:18

Kadi ndi musungule bena Levi, bua bapingane pa muaba wa bamuanabute bonsu ba bena Izrayele.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Matayi 19:13

Bantu kuya ne bana kudi Yezu, bua abatenteke bianza, abalombele kudi Mvidi Mukulu. Kadi balongi ba Yezu kutandisha bantu abu.

Matayi 19:15

Kubatentekaye bianza. Pashishe kumukaye muaba awu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Luke 13:13

Yezu kumutenteka bianza. Diakamue mukaji kuololoka, kutuadija kutumbisha Mvidi Mukulu.

Luke 4:40

Diba dimane kubuela, bantu bonsu kuya kudi Yezu ne babeedi bavua ne masama mashilangane. Yezu uvua ubatenteka bianza ku muntu ku muntu, ujikija masama abu.

Bienzedi 13:3

Bena ditaba kujila kabidi biakudia matuku makuabu, kutendelela Mvidi Mukulu. Pashishe kutentekabu Barnabase ne Shawule bianza, kubatuma ku mudimu wabu awu.

Bienzedi 6:6

Pashishe kubalejabu kudi bapostolu. Abu kutendelela Mvidi Mukulu, kubatenteka bianza.

Dielulula 34:9

Yoshuwa, muana wa Nune, uvua muntu wa meji a bungi. Bualu Moshe uvua mumane kumujidila, mumutenteke bianza. Biangatshile diba adi, bena Izrayele bonsu kutuadija kuitaba bionsu bivua Yoshuwa ubambila. Kukumbajabu mikenji yonsu ivua Maweja-Nangila mubatumine kudi Moshe.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.