Genese 48:10 - MUKANDA WA MYIDI MUKULU

¹⁰ Yakobe katshivua umona bimpe to, bualu ukavua muntu mukole. Yozefe kumusemejila bana pabuipi. Yakobe kubupukila,

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mesu a Isalele akadi bileshileshi bualu bua bununu buandi, yeye kakamanya mua kumona bimpe Yeye wakalua nʼabo ha buihi nʼandi, yeye wakatuangana nʼabo mishiku, wakabuhukila.

Genese 48:10 교차 참조

Genese 27:1

Izake mumane kukola mukalakaje, mesu ende kaavua amona kabidi bimpe to. Kubikilaye Esawu muanende muanabute ne: — Muananyi! Esawu kuitaba ne: — Ke meme ewu, tatu!

Genese 27:27

Yakobe kupukila tatuende Izake. Izake, umvua mupuya wa bilamba bia muanende, kumuelaye lupemba, wamba ne “Mupuya wa muananyi wa balume, mmufuanangane ne mupuya wa budimi budi Maweja-Nangila mujingile diakalenga.

Genese 45:15

Yozefe kupukila bana babu bonsu, udila amu kudila. Amu diba adi bobu kukimina kuyukila nende.

Genese 48:11

wambila Yozefe ne: — Tshiena mumanye ne: nenkumone kabidi to. Kadi Mvidi Mukulu mmungambuluishe. Ngakumonyi wewe, kumona kabidi ne bana bebe.

Genese 48:8

Diakamue Yakobe kumona bana ba balume babidi bavua nabu Yozefe, kumukonka ne: — Bana aba mbanganyi?

1 Bakalenga 19:20

Ke Elisha kushiya ngombe ivuaye nayi, kuya lubilu kudi muambi Eliya, umuambila ne: — Ndi nkulomba ne: nye kulayangana ne tatu wanyi ne mamu wanyi, pashishe nenkulonde. Muambi Eliya kuambila Elisha ne: — Udi mua kupingana ku mudimu webe. Ndi mukuebeje bualu anyi?

Muambi 12:3

Diba adi, maboku avua akuambuluisha neazakale. Mikolu iuvua wenda nayi neitekete. Menu neashale makese, kuyi mua kutshiakunya biakudia kabidi bimpe. Mesu ebe neikale bu mpofu.

Yeshaya 59:1

Nudi nuela meji ne: maboku a Mvidi Mukulu kaena male makumbane bua kunusungidila anyi? Nudi nuela meji ne: matshi a Maweja-Nangila adi mapate, kaayi mua kunuteleja anyi?

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Dielulula 34:7

Moshe ufuile muikale ne bidimu lukama ne makumi abidi. Kadi, utshivua anu ne bukole bua bungi, kayi muanji kukulakaja to. Mesu ende atshivua anu amona bimpe.

1 Samuele 3:2

Mutuangaji Eli mumane kukulakaja, katshiyi umona kabidi bimpe, dituku dikuabu butuku, uvua mu lala muaba wende wa tshibidilu.

1 Samuele 4:15

Musangu awu, mutuangaji Eli uvua ne bidimu makumi tshitema ne muanda mukulu, ukavua mpofu menemene.