Genese 47:9 - MUKANDA WA MYIDI MUKULU

⁹ Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yakoba wakamukudimuna ne Bidimu bia luendu lua bukole buanyi bidi lukama ne makumi asatu, matuku anyi adi makese, akadi mule tente ne malu mabi, kaena manze kufika ku bungi bua bidimu bia bankambua banyi mu luendu lua bukole buabo.

Genese 47:9 교차 참조

Genese 11:11

Sheme mumane kulela Arpakshade, kushalaye kabidi ne muoyi bidimu nkama itanu. Kulelaye balume ne bakaji.

Genese 35:28

Izake uvua ne bidimu lukama ne makumi muanda mukulu,

Genese 47:28

Yakobe ukumbaja bidimu dikumi ne muanda mutekete mu Ejipitu, bidimu biende bionsu kuenza lukama makumi anayi ne muanda mutekete.

Genese 47:8

Mukalenga kukonka Yakobe ne: — Udi ne bidimu bungi munyi?

Genese 5:27

Bidimu bia Metushela bidi nkama tshitema makumi asambombu ne tshitema. Pashishe kufuaye.

Genese 50:26

Yozefe kufua, mumane kukumbaja bidimu lukama ne dikumi. Kuluishabu tshitalu tshiende ne mafuta a manananshi bua katshibodi. Kutshitekabu mu mushete wa mabue mu Ejipitu.

1 Kulondolola 29:15

Katuena ne diyi dia kuamba kumpala kuebe nansha. Tudi anu bu benyi ne bena luendu, bu muvua bankambua betu. Matuku atudi tusomba pa buloba adi apita bu mundidimbi, katuyi ne ditalala.

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Misambu 119:19

Ndi muenyi pa buloba, kunsokoki mikenji yebe.

Misambu 119:54

Biudi musue, ke bindi meme muena tshimuangi nsaka mu misambu.

Misambu 39:12

Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.

Misambu 39:13

Maweja-Nangila, teleja mundi nkutendelela, teya matshi ku lubila luanyi. Pandi ndila muadi, ungambuluishe. Bu muvua bankambua banyi bonsu, ndi amu muenyi kumpala kuebe, tshiyi ne diyi dia kuamba.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Ekesode 6:4

Mvua mutue nabu ndondu, mubalaye mua kubapesha ditunga dia Kenaane divuabu basombe bu bantu benyi.

Ekesode 7:7

Pavua Moshe ne Arone baya kuyukila ne mukalenga wa bena Ejipitu, Moshe uvua ne bidimu makumi muanda mukulu, Arone ne bidimu makumi muanda mukulu ne bisatu.

2 Korente 5:6

Nanku diba dionsu tudi amu bakole muoyi. Tudi bamanye ne: patutshidi tusomba mu mubidi ewu, tudi dishilangana mutantshi ne Mfumu.

Dielulula 34:7

Moshe ufuile muikale ne bidimu lukama ne makumi abidi. Kadi, utshivua anu ne bukole bua bungi, kayi muanji kukulakaja to. Mesu ende atshivua anu amona bimpe.

Ebrewu 13:14

Bualu katuena ne tshimenga panuapa tshidi tshishala kashidi. Kadi tudi tukeba tshimenga tshidi kumpala.

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.

Yoshua 24:29

Malu onsu mamane kujika, Yoshuwa, muana wa Nune, muntu wa Maweja-Nangila, kufua, muikale ne bidimu lukama ne dikumi.

1 Petro 2:11

Bana hetu basuibue, bu munudi benyi ne bena tshimuangi panu, ndi nnulomba ne: nudilame ku majinga a buntu buenu adi aluisha muoyi wenu wa kulu.